Rusiyada qırıcı qəzaya uğrayıb

Bu gün Rusiyanın Xabarovsk vilayətində planlaşdırılan təlim uçuşları zamanı Su-35S qırıcı təyyarəsinin mühərriklərində nasazlıq baş verib.

Bu barədə Şərq Hərbi Dairəsinin mətbuat xidməti məlumat yayıb.

Qeyd olunub ki, pilot vaxtında katapult oluna bilib, qırıcı Oxot dənizinə düşüb.

Pilot müayinə üçün tibb müəssisəsinə yerləşdirilib. Qəza ilə bağlı araşdırma aparılır.