İranda su çatışmazlığı səbəbindən baş verən etirazlarda bir nəfər ölüb

İranın cənub-qərbindəki Xuzistan vilayətində su çatışmazlığı səbəbindən baş verən etiraz aksiyaları zamanı bir nəfər həyatını itirib.

Bu barədə İranın ISNA agentliyi hakimiyyət qurumlarına istinadən xəbər verib.

Xuzistan vilayət rəhbərinin müavini Amid Sabri Bur isə bildirib ki, etiraz aksiyaları zamanı izdihamın içində olan bəzi şəxslər təhlükəsizlik qüvvələrinə atəş açıblar.

O, əlavə edib ki, hüquq-mühafizə orqanları atəş açan şəxslərdən bir neçəsini saxlaya bilib, digərlərinin axtarışı davam etdirilir.