Ermənistanda seçkiqabağı sürünmə özünün finiş əyrisinə yaxınlaşır.
Bu barədə “Caliber” layihəsinin “Youtube” kanalında yayımlanan sayca 32-ci buraxılışında bəhs olunur.
Proqramın yeni sayında həmçinin Ermənistan-Azərbaycan sərhədində baş verən hadisələrə toxunulub.
“Son zamanlar sosial şəbəkələrdə yayılan videolardan da görünür ki, Ermənistan tərəfindən sərhəd zonasında eskavatorlar işləyir və müdafiə istehkamlarının qurulması işləri davam etdirilir. Hərçənd rəsmi səviyyədə bu məlumatlar təkzib olunur”, - deyə verilişdə qeyd edilir.
Buraxılışda Ermənistandakı hazıkı vəziyyət Azərbaycanda ötən illərin 90-cı illərinin başlanğıcındakı vəziyyətlə müqayisə olunub.
“Ermənistanın sosial və siyasi həyatında xaos hələ də davam edir. Seçkiöncəsi siyasi qüvvələrin təhlili belə deməyə əsas verir ki, bu xəmir hələ çox su aparacaq. Odur ki, parlament seçkilərinin asanlıqla yekunlaşmayacağı indidən bəllidir. bu müddət ərzində istənilən gözlənilməz hadisənin baş verə biləcəyi mümkündür. O, cümlədən də Azərbaycana qarşı təxribatlar ola bilər”, - deyə verilişdə bildirilir.
Daha ətraflı “Caliber”in yeni buraxılışında:
Şahidi olduğunuz hadisələri çəkib bizə göndərin!
Son Əlavə