Azərbaycanda təhsil alan əcnəbi tələbələr Cəbrayıl və Füzulidə olublar – FOTO » Median.Az - Bütün xəbərlər bir ünvanda
23:01 Bir manata görə "parkovşik"lər dalaşdı: Birinin çənəsi sındı  |     22:57 İran İsrailə yüzlərlə ballistik raket buraxdığını bildirib  |     22:55 Bu rayonda xəstəxana tikilir - Layihəsi 597 minə hazırlanacaq  |     22:50 Bakı çimərliklərində "cib yandıran" qiymətlər  |     22:44 Bakıda tanınmış həkim narkotacir kimi saxlanıldı - Rəsmi (VİDEO)  |     22:36 Azərbaycanda illik inflyasiya məlum olub (RƏQƏMLƏR)  |     22:30 Mingəçevirdə üç avtomobil toqquşdu: Xəsarət alanlar var  |     22:25 Paşinyan: "İrəvan və Bakı sülh sazişinin imzalanması üçün məsləhətləşmələr aparır"  |     22:17 Bakıda mübahisə ölümə səbəb oldu - Fotoqraf qonşusu tərəfindən qətlə yetirildi  |     22:12 İsrail-İran gərginliyinə görə Həcc ziyarətindən qayıdan zəvvarlarımız çətin vəziyyətə düşdülər  |     22:04 Bakı-Naxçıvan-Bakı avtobus reysləri fəaliyyətini dayandırıb  |     21:59 Əlikram Bayramovun itkin düşmüş qardaşı oğlu tapıldı  |     21:51 "Space TV"yə "Maşa və ayı" cizgi filminə görə xəbərdarlıq edildi  |     21:46 "Real" Argentina millisinin futbolçusunu transfer edib  |     21:39 ABŞ Yaxın Şərqə hərbi qüvvə göndərir  |     21:32 Rusiya və bir sıra ölkənin 90-a yaxın mədəniyyət nümayəndəsi quru yolla İrandan Azərbaycana gətiriləcək  |     21:31 Xameneinin iqamətgahlarından biri raketlə vurulub  |     21:25 Üç şəhərətrafı avtobus marşrutları üzrə müsabiqənin qalibləri müəyyən edilib  |     21:19 İsrailin şimalında hava həyəcanı siqnalı verilib, iki PUA vurulub  |     21:11 Azərbaycanda taksi şirkəti və direktoru cərimələnib  |    

Azərbaycanda təhsil alan əcnəbi tələbələr Cəbrayıl və Füzulidə olublar – FOTO

Azad edilmiş Cəbrayıl və Füzuli rayonlarına ali təhsil müəssisələrində təhsil alan əcnəbi tələbələrin səfəri təşkil olunub.

“Report” xəbər verir ki, Bakı şəhər Gənclər və İdman Baş İdarəsi, Təhsil Nazirliyi və Müdafiə Nazirliyinin birgə təşkil etdiyi səfər Şəhidlər xiyabanından başlayıb.

İştirakçı qismində 31 ölkədən olan 40 tələbə 16 təhsil müəssisəsini təmsil edib. Tələbələr yol boyunca işğaldan azad edilmiş ərazilərdə ermənilərin yaşayış məntəqələri və tarixi abidələri viran qoymasının, quru və dəmiryolu xətlərini dağıtmasının canlı şahidi olublar.

Müdafiə Nazirliyinin nümayəndəsi, polkovnik-leytenant Elmar Zeynalabdinov döyüş əməliyyatları, Ermənistan hərbçilərinin döyüş texnikalarını göstərərək Azərbaycan Ordusunun rəşadətlərindən bəhs edib.

Səfər iştirakçıları əvvəlcə Xudafərin körpüsündə olublar. Onları tarixi abidə barədə məlumatlandıran Baş İdarə rəisi Azərbaycan ərazilərinin 30 ilə yaxın erməni işğalı altında qaldıqdan sonra əks-hücumla 44 günə azad olunduğunu bildirib. O, Xudafərin körpüsünə Prezident İlham Əliyevdən sonra xarici tələbələrin ilk səfər edənlərdən olduğunu vurğulayıb.

Təhsil Nazirliyinin Beynəlxalq əməkdaşlıq şöbəsinin müdiri Tural Əhmədov əcnəbi tələbələrin səfərə böyük maraq və təşəbbüs göstərdiklərini söyləyib. Onun sözlərinə görə, obyektiv səbəblərdən bütün xariciləri azad edilmiş ərazilərə gətirmək mümkün olmayıb.

Tələbələrin iştirakı ilə Azərbaycanın böyük bayrağı açılıb, "Qarabağ Azərbaycandır" şüarı səsləndirilib.

Səfərdə iştirak edən Əlil Arabasında Qılıncoynatma Federasiyasının prezidenti Asəf Məlikov və idmançı Abdulbağı Abdullayev isə Azərbaycan bayrağı altında qılıncoynatma səhnəsi nümayiş etdiriblər.

Flaşmobu Araz çayının əks tərəfindən cənubi azərbaycanlılar da maraqla izləyiblər. Yolla hərəkət edən avtomobillər siqnallarla dəstək olublar.

Daha sonra səfər iştirakçıları Cəbrayıl şəhərinə doğru hərəkət ediblər. Onlar şəhərdəki "Dostluq" bulağı ilə tanış olublar. N saylı hərbi hissənin zabiti Ordumuzun döyüş yolu, Cəbrayıl əməliyyatı barədə məlumat verib. Ermənilərin şəhərdə bir salamat ev belə qoymadıqları əcnəbi tələbələrin diqqətinə çatdırılıb.

Burada Baş İdarə əməkdaşları Azərbaycan bayrağı ucaldıblar.

скачать dle 11.3




Şahidi olduğunuz hadisələri çəkib bizə göndərin!




            507 02.06.21 22:21