İsveç hökuməti koronavirus pandemiyasının səbəb olduğu böhran fonunda 2020-ci ildə ölkədə milyarderlərin sayının artmasından təşvişə düşüblər.

Bu barədə “Bloomberg” xəbər yayıb.

Bildirilir ki, sözügedən vəziyyət zənginlərlə yoxsullar arasında artan boşluğa işarə edir.

İsveçdəki bərabərsizlik son illərdə sərt pul siyasəti səbəbiylə daha da pisləşib. Bu isə fond bazarında aktivlərin qiymətinin şişməsinə gətirib, son zamanlarda isə pandemiya səbəbindən ölkədə işsizliyin artması ilə nəticələnib.

Beləliklə, keçən il krallığın 40 vətəndaşı birja dəyərlərinin artması sayəsində İsveç kronu milyarderi və dollar milyonerləri olub.

169 isveçli sahibkarın və ya varlı ailənin ümumi sərvəti 2020-ci ildə 295 milyard krona (35 milyard dollar) yüksələrək 1,3 trilyon krona çatıb. Bu, İsveçdəki səhmlərin və kapital fondlarında saxlanılan bütün şəxsi yığımların təxminən 40 faizinə bərabərdir.

Krallığın maliyyə naziri Magdalena Andersson zənginlərin daha da zənginləşəcəkləri və yoxsulların daha da kasıb olacağı deyilən “K şəkilli iqtisadi vəziyyət”lə əlaqədar açıq bir risk gördüyünü deyib.

Maliyyə naziri hökumətin ölkədəki bərabərsizlik vəziyyətini yaxşılaşdırmaq üçün vergilərdən istifadə edə biləcəyinə eyham vurub.скачать dle 11.3