Ombudsman “Amnesty International” təşkilatına açıq məktub ünvanladı » Median.Az - Bütün xəbərlər bir ünvanda
23:11 Azərbaycanın iki güləşçisi Avropa çempionatında finala yüksəldi  |     22:51 Bakıda texnika qaz xəttini zədələyib, bəzi yerlərdə qaz təchizatı dayandırılıb  |     22:41 İşıq, qaz “sabit tarifə” keçir: nə deməkdir və nə olacaq?  |     22:28 Daha bir şirkətin vergi borcu üzə çıxdı  |     22:21 Azərbaycanlı zəvvarları daşıyan təyyarə İrana təcili eniş etdi  |     22:18 Azərbaycan millisi Macarıstana uduzdu  |     22:11 “102”yə əsassız zənglər etdi, həbs olundu  |     21:55 Üç gün iş olmayacaq  |     21:39 Bakı-Ağstafa qatarı üzrə əlavə reyslər təyin edilib  |     21:31 Əli Əsədov Özbəkistan Prezidenti ilə görüşüb  |     21:18 70 il birlikdə yaşadılar, 90 yaşdan sonra evləndilər  |     21:13 Məcsiddə uşaqlara oyuncaq paylayanlar saxlanıldı - Aralarında vəzifəli şəxs də var  |     21:05 Yuxusuzluq yeniyetmələrin beynini məhv edir - Alimlərdən xəbərdarlıq  |     20:59 Bakıda yenicə açılışı olan klinika fantastik qiymətə satışa çıxarıldı  |     20:50 Azərbaycanda 3 uşağı olan ailələr çoxuşaqlı sayılacaq?  |     20:44 Fermer tərəvəzlərə verilən kimyəvi gübrələrdən elə şeylər danışdı ki...  |     20:38 1995-ci ildə banda yaratdı, 3 nəfəri öldürdü, quldurluq etdi - 30 il sonra məhkəmədə  |     20:33 Qarındakı təhlükəli piy qatından xilas olmağın 10 effektiv yolu - Həkimlər açıqladı  |     20:26 10 yaşlı qızın ölümündə təqsirli bilinən həkimlərin işi: biri cəza, digəri bəraət aldı  |     20:19 Avstriyada üçgünlük milli matəm elan ediləcək  |    

Ombudsman “Amnesty International” təşkilatına açıq məktub ünvanladı

Məlum olduğu kimi, oktyabrın 5-də “Amnesty International” təşkilatı öz rəsmi internet səhifəsində qərəzli, birtərəfli faktlara söykənən və bu cür həssas bir dönəmdə Azərbaycan dövlətinə qarşı bilavasitə diskriminativ xarakterli və ikili standartlara əsaslanan bəyanat paylaşıb.

Bu barədə Ombudsman Aparatı məlumat yayıb.

Bildirilib ki, ombudsman Səbinə Əliyeva Ermənistan-Azərbaycan Dağlıq Qarabağ münaqişəsinə dair hər hansı bir bəyanat yaymazdan əvvəl beynəlxalq hüququn norma və prinsiplərinə, beynəlxalq təşkilatların Dağlıq Qarabağ və ona bitişik yeddi rayonun məhz Ermənistan tərəfindən işğal faktını tanıyan və qınayan, habelə işğal olunmuş ərazilərdən işğalçı qüvvələrin qeyd-şərtsiz çıxarılmasını tələb edən, eyni zamanda beynəlxalq hüququn sərhədlərin toxunulmazlığı, ərazi bütövlüyünə hörmət prinsiplərini bilavasitə ehtiva edən BMT-nin münaqişəyə dair 822, 853, 874 və 884 saylı qətnamələrinə istinad etməyə çağırıb.

Müraciətdə, eyni zamanda beynəlxalq humanitar hüququn hərbi münaqişələr zamanı mülki şəxslərin və obyektlərin müdafiəsinə əsaslanan qaydaları bir daha xatırladılaraq, Ermənistanın həmin müddəaları etnik azərbaycanlı mülki şəxslərin öz torpaqlarından didərgin salınması, mülki şəxslərə və obyektlərə hücumlar etməklə pozduğu bildirilib.

Müvəkkil 30 ilə yaxındır Ermənistanın işğal etdiyi torpaqları öz nəzarətində saxladığını, bir milyondan artıq insanın qaçqın və məcburi köçkün vəziyyətində yaşamasına səbəb olduğunu vurğulayıb. Bu zaman çərçivəsində Ermənistan müharibə cinayətləri, soyqırımı kimi insanlıq əleyhinə cinayətləri davam etdirib.

Müraciətin sonunda müvəkkil Səbinə Əliyeva sentyabrın 27-dən etibarən Ermənistan silahlı qüvvələrinin mütəmadi surətdə ölkənin müxtəlif şəhərlərini, Gəncə, Beyləqan, Tərtər, Yevlax, Füzuli rayonunun Horadiz şəhərlərini, oradakı mülki şəxsləri və obyektləri ağır artilleriyadan atəşə tutduğunu, oktyabrın 7-də isə Bakı-Tbilisi-Ceyhan əsas ixrac neft boru kəmərini raket atəşi ilə hədəfə almaqla, nəinki bütövlükdə regionun, hətta Avropa ölkələrinin də enerji təhlükəsizliyinə böyük təhlükə yaratdığını vurğulayıb.

Qeyd olunub ki, müvəkkil tərəfindən beynəlxalq təşkilatlara baş vermiş hücumlar nəticəsində mülki əhalinin pozulmuş hüquqlarına dair müxtəlif bəyanatlar ünvanlandığı, o cümlədən məlum hadisələrlə bağlı yerində faktaraşdırıcı missiyalar həyata keçirildiyi və onlar əsasında toplanmış dəlillərdən istifadə edilməklə, hesabatlar hazırlanıb göndərildiyi bildirilib.

Sonda Ombudsman beynəlxalq ictimaiyyəti Azərbaycanın beynəlxalq səviyyədə tanınmış sərhədləri çərçivəsində öz ərazi bütövlüyünün bərpası uğrunda əks-hücum əməliyyatları apardığını nəzərə alaraq, BMT qətnamələrini kobudcasına pozan Ermənistandan bu işğala son qoymağı tələb etməyə, doğma torpaqlarından didərgin düşmüş qaçqın və məcburi köçkünlərin geri qaytarılmasının təmin edilməsi məqsədilə beynəlxalq QHT-ləri münaqişə ilə bağlı hesabatlar hazırlayan zaman ədalətli olmağa və ikili standartlara yol verməməyə çağırıb.скачать dle 11.3




Şahidi olduğunuz hadisələri çəkib bizə göndərin!




            618 09.10.20 12:27