“Rusiya, Azərbaycan və Ermənistan xarici işlər nazirlərinin sərhəddəki gərginliyin həlli ilə bağlı üçtərəfli görüş planı hələlik yoxdur”.
TASS xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirilən brifinqdə deyib.
“Əgər belə bir görüşlə bağlı informasiya yayılsa, biz bunu KİV-lərlə bölüşəcəyik. Hazırda bununla bağlı heç məlumat yoxdur”. - o bildirib.
Bununla yanaşı, diplomat qeyd edib ki, Rusiya xarici işlər və müdafiə idarələrinin nümayəndələri sərhəddəki münaqişənin həlli üçün erməni və azərbaycanlı həmkarları ilə işləməyə davam edirlər.
Qeyd edək ki, iyulun 12-də Ermənistan silahlı qüvvələrinin bölmələri Azərbaycan Ordusunun Tovuz rayonu istiqamətindəki mövqelərinə artilleriya zərbələri ilə hücum etməyə cəhd göstərib.
Şahidi olduğunuz hadisələri çəkib bizə göndərin!
Son Əlavə