Xalq artisti Emin: “Daha çox uşaq sahibi olacağımı gözləyirəm” - VİDEO » Median.Az - Bütün xəbərlər bir ünvanda
17:04 XƏBƏRDARLIQ - Bu tarixədək 41° İSTİ OLACAQ  |     16:54 Bakıda üçəmlərdən ikisi xəstəxanada öldü, valideyn həkimləri günahlandırır - Video  |     16:50 HƏMAS və İsrail Qəzza zolağı ilə bağlı razılığa gəlib  |     16:43 Azərbaycan MDB İqtisadi Şurasının Moskvada keçirilən iclasında iştirak etməyəcək  |     16:33 Bakıda ata həbsdəki oğluna narkotik vasitə gətirib  |     16:24 DTX-nin həbs etdiyi fransız iş adamı Fərhad Əhmədovdan nə qədər rüşvət alıb?  |     16:23 Şimali Koreya qəfildən öz kurortlarını əcnəbilərin üzünə bağladı - SƏBƏB  |     16:15 "TikTok"da 181 nəfəri aldadıb pullarını talayan şəxsə HÖKM OXUNDU  |     15:55 Xəzər TV-yə xəbərdarlıq edilib  |     13:54 Bakı-Naxçıvan-Bakı avtobus reyslərinin fəaliyyəti BƏRPA OLUNUR  |     13:30 İsmayıllıda kişi toyuq hinində ölü tapıldı  |     13:27 Telman Hacıyev vəfat etdi  |     13:18 Dünən cinayət törətməkdə şübhəli bilinən 37 nəfər saxlanıldı  |     13:18 Suriyada nazirə sui-qəsd cəhdi olub - Əl Şaraa Dəməşqi tərk etdi  |     13:14 Bəzi rayonlarda leysan yağıb, şimşək çaxıb  |     13:11 Elçin Göyçaylı həbs olundu  |     12:56 İranda güclü zəlzələ olub  |     12:41 Ukraynanın Milli Təhlükəsizlik və Müdafiə Şurasına rəhbər təyin edildi  |     12:39 Məktəbəqədər təhsil müəssisələrinə QƏBUL BAŞLADI  |     12:37 Qusara yeni prokuror təyin olundu  |    

Xalq artisti Emin: “Daha çox uşaq sahibi olacağımı gözləyirəm” - VİDEO

“Qətiyyən tənbəl deyiləm. Çox məsuliyyətliyəm”.

Oxu.Az xəbər verir ki, bu sözləri Xalq artisti və “Crocus Group” şirkətlərinin birinci vitse-prezidenti Emin Ağalarov “Jara”nın rəsmi “Instagram” hesabında Jara TV-nin aparıcısı Konstantin Tarasyukla onlayn müsahibəsi zamanı deyib.

Müğənni hamının evdə oturub, yeyib kökəldiyi bir vaxtda, xeyli çəki atdığını söyləyib:

“Karantin zamanı hamı kökəldi. Təəccüblü olan budur ki, mən beş kiloqram arıqlamışam. İştahım yoxdur” .

K.Tarasyukun “Emin sentimental insandır” sualına Xalq artisti səmimi etirafı ilə diqqət çəkib:

“Sentimental insanam. Normal insan göz yaşı axıda bilər. Film seyr edərkən belə yanağımdan göz yaşı axa bilər. “Həyat gözəldir” və “Gündəlik” adlı filmləri izləyəndə həqiqətən çox təsirlənirəm.

Aparıcının “Müsahibələrin birində demişdiniz ki, arzunuz və həyatda məqsədiniz böyük evinizi uşaqlarla doldurmaqdır. Dünyaya gözəl bir Afina gəlib. O sizin dördüncü uşağınızdır. Düzgün başa düşürük ki, hələ altı uşağın yolunu gözləyirsiz? Yoxsa fikrinizi dəyişmisiniz?” sualına məşhurun reaksiyası belə olub:

“Həqiqətən gözləyirəm. Daha çox uşaq sahibi olacağımı gözləyirəm. Bir anda bütün uşaqları bir evdə toplayacağam. Biz təxmin etmirik, ancaq gözləyirik və buna ümid edirik”.


“Hər zaman qara rəngə üstünlük verən sənətçiyə Konstantin “Corc Armaninin “Kişinin yeganə rəngi qaradır” sitatına əməl edirsiniz. Parlaq rənglər geyinənlərə münasibətiniz necədir? Nə zamansa sizi heç parlaq rəngli geyimlərdə görə biləcəyik?” sualını ünvanlayıb. Emin Ağalarovun cavabı belə oldu:

“Buna tamamilə normal baxıram. Ötən əsrin 60-80-ci illərində insanlar paltar, saç düzümü, pirsinq, döymə ilə müxtəlif eksperimentlər edirdilər. Gənclərin belə təcrübələrə ehtiyacı var. Bunları müsbət qiymətləndirirəm. Lakin özüm geyimlər və rənglərlə eksperimentlərə hazır deyiləm. Geyimlərdə çox sadə bir seçimim var. Karantin zamanı çox rahat paltarlar geyinirəm. Misal üçün, cibli, enli şalvarlar və papaqlar. Amma bu geyimdə işə gedə bilmərəm”.

скачать dle 11.3




Şahidi olduğunuz hadisələri çəkib bizə göndərin!




            2 608 16.04.20 21:52