YAP gəlirlərini və xərclərini açıqladı

Yeni Azərbaycan Partiyasının (YAP) 2019-cu il üzrə gəlirləri və xərcləri açıqlanıb.

Bu barədə YAP İdarə Heyətinin iclasında məlumat verilib.

Ötən il YAP-ın gəlirləri 10 milyon 668 min 284 manat olub. Bunun 9 milyon 309 min 25 manatını üzvlük haqları, 1 milyon 359 min 259 manatını büdcədən siyasi partiyalara dövlət dəstəyindən YAP-a düşən pay təşkil edir. YAP gəlirlərinin 5 milyon 307 min 213 manatı İcra Katiblyinin və yerli təşkilatların əməkdaşlarının əmək haqqının ödənilməsinə sərf olunub.

Bildirilib ki, gəlirlərin 884 min 63 manatı partiya, onun yerli təşkilatlarının, gənclər və qadınlar təşkilatlarının keçirdiyi tədbirlərin maliyyələşməsinə, xeyriyyə aksiyalarına xərclənib. 91 min 515 manat ezamiyyə xərclərinə, 163 min 376 manatı nəqliyyat vasitələrinin alınmasına, 281 min 53 manatı mebel və ofis avadanlıqlarının alınmasına, 214 min 214 manatı təmir işlərinə, 481 min 232 manatı kommunal və təsərrüfat xərclərinə, 300 min 908 manatı yanacaq, avtomobillərə xidmət işlərinə, 75 min 862 manatı manatı bank xidmətinə, 57 607 manatı dəftərxana xərclərinə, 49 min 790 manatı çap işlərinə, 234 min171 manatı kredit ödənişinə, 270 min 194 manatı isə sair xərclərə sərf edilib.