FHN qanunsuz transformator tikintisinə görə İcra Hakimiyyəti və tikinti şirkətinə xəbərdarlıq etdi
Bakıda çoxmərtəbəli yaşayış binasının qarşısında transformator tikilir.
Bu barədə “Rerport”a həmin binada yaşayan sakinlər bildiriblər.
Paytaxtın Xətai rayon, Natiq Əliyev küçəsi, 3 e ünvanında yaşayan sakinlərin sözlərinə görə, “Baku Luks” şirkəti çoxmərtəbəli yaşayış binasının qarşısında elektrik yarımstansiyasının tikintisinə başlayıb:
“Yaşadığımız binanın qarşısında şirkət başqa bir bina tikir. Həmin bina üçün də elektrik yarımstansiyası bizim binanın qarşı tərəfində tikilir. Bu, normativ qaydalara görə, 10-15 metr aralıda olmalıdır. Binanın layihəsində bunun üçün 12 metr məsafə göstərildiyi halda, şirkət yarımstansiyanı binadan 5 metr aralıda tikməyə başlayıb. Bu transformatorda partlayışın olma ehtimalı var. Nəticədə binada yanğın ola bilər. Həmçinin, elektrik yarımstansiyasında təbii şüalanma baş verir. Bu da bina sakinlərinin, həyətdə oynayan uşaqların sağlamlığı üçün təhlükəlidir”.
Sakinlər dövlət qurumlarından, şirkət rəhbərliyindən elektrik yarımstansiyasının yerinin dəyişdirilməsini xahiş edirlər:
“İstəyirik ki, elektrik yarımstansiyası normativlərə uyğun tikilsin. Bu, bizim üçün çox təhlükəlidir”.
Fövqəladə Hallar Nazirliyinin (FHN) Mətbuat Xidmətinin rəisi Gülçin Mehdiyeva “Report”a bildirib ki, nazirlik tərəfindən Xətai rayonu, N.Əliyev küçəsi, 10 ünvanında yerləşən “Baku Luks” MMC-yə məxsus yaşayış binasının ərazisində elektrik yarımstansiyasının inşası ilə bağlı araşdırma aparılıb.
O deyib ki, FHN-ə şirkət tərəfindən heç bir icra hakimiyyəti orqanı ilə razılaşdırma sənədi təqdim olunmayıb:
“Bununla bağlı Xətai Rayon İcra Hakimiyyətinə bildiriş göndərilib, şirkətin rəhbərliyinə isə xəbərdarlıq edilib. Nazirlik tərəfindən qurumların hər birinə məktub göndərilib. Bildirilib ki, elektrik yarımstansiyasının tikintisi ilə bağlı razılaşdırma sənədləri yoxdur. Əgər bununla bağlı tədbir görülməsə, müvafiq addımlar atılacaq”.
Qeyd edək ki, tikinti aparan şirkətin rəhbəri Fəqan Təhməzovdur.
Bu barədə “Rerport”a həmin binada yaşayan sakinlər bildiriblər.
Paytaxtın Xətai rayon, Natiq Əliyev küçəsi, 3 e ünvanında yaşayan sakinlərin sözlərinə görə, “Baku Luks” şirkəti çoxmərtəbəli yaşayış binasının qarşısında elektrik yarımstansiyasının tikintisinə başlayıb:
“Yaşadığımız binanın qarşısında şirkət başqa bir bina tikir. Həmin bina üçün də elektrik yarımstansiyası bizim binanın qarşı tərəfində tikilir. Bu, normativ qaydalara görə, 10-15 metr aralıda olmalıdır. Binanın layihəsində bunun üçün 12 metr məsafə göstərildiyi halda, şirkət yarımstansiyanı binadan 5 metr aralıda tikməyə başlayıb. Bu transformatorda partlayışın olma ehtimalı var. Nəticədə binada yanğın ola bilər. Həmçinin, elektrik yarımstansiyasında təbii şüalanma baş verir. Bu da bina sakinlərinin, həyətdə oynayan uşaqların sağlamlığı üçün təhlükəlidir”.
Sakinlər dövlət qurumlarından, şirkət rəhbərliyindən elektrik yarımstansiyasının yerinin dəyişdirilməsini xahiş edirlər:
“İstəyirik ki, elektrik yarımstansiyası normativlərə uyğun tikilsin. Bu, bizim üçün çox təhlükəlidir”.
Fövqəladə Hallar Nazirliyinin (FHN) Mətbuat Xidmətinin rəisi Gülçin Mehdiyeva “Report”a bildirib ki, nazirlik tərəfindən Xətai rayonu, N.Əliyev küçəsi, 10 ünvanında yerləşən “Baku Luks” MMC-yə məxsus yaşayış binasının ərazisində elektrik yarımstansiyasının inşası ilə bağlı araşdırma aparılıb.
O deyib ki, FHN-ə şirkət tərəfindən heç bir icra hakimiyyəti orqanı ilə razılaşdırma sənədi təqdim olunmayıb:
“Bununla bağlı Xətai Rayon İcra Hakimiyyətinə bildiriş göndərilib, şirkətin rəhbərliyinə isə xəbərdarlıq edilib. Nazirlik tərəfindən qurumların hər birinə məktub göndərilib. Bildirilib ki, elektrik yarımstansiyasının tikintisi ilə bağlı razılaşdırma sənədləri yoxdur. Əgər bununla bağlı tədbir görülməsə, müvafiq addımlar atılacaq”.
Qeyd edək ki, tikinti aparan şirkətin rəhbəri Fəqan Təhməzovdur.
