Murad Arif Miri Yusifin müdafiəsinə qalxdı: Dörd ildə sənətimə 240 min manat xərclədim
Dörd il ərzində sənətimə 240 min manat pul xərcləmişəm. Çətinlikdə olduğum zamanlarda iki il kirayədə yaşamışam.
Bu sözləri bəstəkar-müğənni Murad Arif sosial şəbəkə hesabında yazıb.
“Müğənninin qonorarı ona olan tələbat və onun öz işlərinə xərclədiyi maliyyə ilə tənzimlənir. Camaat böyük heyətlə oturub strategiya cızır, plan qurur.
İlə ən azı üç və ya dörd video çıxaran, onu promo edən, azı iki və ya üç konsert verən müğənni 250-300 min manat pul xərcləyir. Hərdən ziyanımıza da işləyirik.
2014-2018 illərdə yazdırdığım, çəkdirdiyim bütün işlərə 240 min manat pul xərcləmişəm. Amma hər ərsəyə gətirdiyimiz iş pul qazandırmır. Həmçinin, uğur qazandırmayan mahnılar da olur. Xüsusən birinci il risklə çalışdım. İki il kirayədə yaşadım, amma mahnılarıma və arzularıma güvəndim”, - deyə müğənni bildirib.
Murad Arif həmkarları Miri Yusif, Aygün Kazımova, Tünzalə Ağayeva, Röya Ayxanın sənətlərinə ondan üç-beş qat artıq pul xərclədiyini qeyd edib:
“Qonorarları müzakirə edəndə, bunu da deyin! Niyə bu adamların sayəsində bütöv bir sektor işləyir və dolanır? Bəstəkarlar, söz yazarları, aranjımançılar, studiyalar, rəqqaslar, işıqçılar, operatorlar, rejissorlar, dizaynerlər, köməkçilər kimi böyük bir heyət ayaqda durur. Daha bəziləri kimi, o kanal sənin, bu kanal mənim, hər dəxilsiz mövzuyla, repertuarın, öz hitlərin olmadan, sənətə pul xərcləmədən gündəmdə olmağa nə var ki? Başqasının pulunu saymaq, iş prinsipini tənqid etmək ədəbdən deyil... Etməyin!”
Qeyd edək ki, ARB TV-də yayımlanan “Səhər-Səhər” verilişində meyxanaçı Samirə Yusifqızı Xalq artisti Miri Yusifi təkəbbürlü olmaqda ittiham edərək, onun aşağı səviyyəli restoranlara getmək istəmədiyini və toyda yarım saat çıxış etmək üçün 6500 manat istədiyini bildirib.
/oxu.az/
Bu sözləri bəstəkar-müğənni Murad Arif sosial şəbəkə hesabında yazıb.
“Müğənninin qonorarı ona olan tələbat və onun öz işlərinə xərclədiyi maliyyə ilə tənzimlənir. Camaat böyük heyətlə oturub strategiya cızır, plan qurur.
İlə ən azı üç və ya dörd video çıxaran, onu promo edən, azı iki və ya üç konsert verən müğənni 250-300 min manat pul xərcləyir. Hərdən ziyanımıza da işləyirik.
2014-2018 illərdə yazdırdığım, çəkdirdiyim bütün işlərə 240 min manat pul xərcləmişəm. Amma hər ərsəyə gətirdiyimiz iş pul qazandırmır. Həmçinin, uğur qazandırmayan mahnılar da olur. Xüsusən birinci il risklə çalışdım. İki il kirayədə yaşadım, amma mahnılarıma və arzularıma güvəndim”, - deyə müğənni bildirib.
Murad Arif həmkarları Miri Yusif, Aygün Kazımova, Tünzalə Ağayeva, Röya Ayxanın sənətlərinə ondan üç-beş qat artıq pul xərclədiyini qeyd edib:
“Qonorarları müzakirə edəndə, bunu da deyin! Niyə bu adamların sayəsində bütöv bir sektor işləyir və dolanır? Bəstəkarlar, söz yazarları, aranjımançılar, studiyalar, rəqqaslar, işıqçılar, operatorlar, rejissorlar, dizaynerlər, köməkçilər kimi böyük bir heyət ayaqda durur. Daha bəziləri kimi, o kanal sənin, bu kanal mənim, hər dəxilsiz mövzuyla, repertuarın, öz hitlərin olmadan, sənətə pul xərcləmədən gündəmdə olmağa nə var ki? Başqasının pulunu saymaq, iş prinsipini tənqid etmək ədəbdən deyil... Etməyin!”
Qeyd edək ki, ARB TV-də yayımlanan “Səhər-Səhər” verilişində meyxanaçı Samirə Yusifqızı Xalq artisti Miri Yusifi təkəbbürlü olmaqda ittiham edərək, onun aşağı səviyyəli restoranlara getmək istəmədiyini və toyda yarım saat çıxış etmək üçün 6500 manat istədiyini bildirib.
/oxu.az/
