Median.Az xəbər verir ki, Quba RPŞ əməkdaşlarının keçirdikləri əməliyyat-axtarış tədbirləri nəticəsində rayon ərazisindəki həyətyanı sahədən 90 ədəd metal boru, evdən 80 manat, mağazadan isə tütün məmulatı və spirtli içki oğurlayan rayon sakini Z.İlyasov tutulub.

Araşıdrma zamanı, onun rayon sakini C.Abdullayevlə birgə daha bir evdən kombi aparatı və televizor, bir mağazadan isə 200 manat oğurlaması məlum olub.

Bundan başqa, Qusar RPŞ əməkdaşlarının keçirdikləri əməliyyat-axtarış tədbirləri nəticəsində sentyabrın 29-da rayon ərazisindəki mağazadan 250 manat, tütün məmulatı, danışıq kartları və spirtli içki oğurlayan rayon sakini Q.Qaçayev saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb.скачать dle 11.3