Mübariz İbrahimovun ev muzeyi açılır - FOTO » Median.Az - Bütün xəbərlər bir ünvanda
22:53 Starmer: Putin atəşkəsin yubadılmasının səbəbkarıdır  |     22:40 Albaniya neft emalı sahəsində də Azərbaycanla əməkdaşlıqda maraqlıdır  |     22:30 6 il əvvəl yanan “Diqlas”ın yerində nə tikiləcək? - VİDEO  |     22:14 Naxçıvan MR Tibb Müəssisələrinin İdarəetmə Birliyinin İcraçı direktoru işdən çıxarılıb  |     22:07 Yaşar Nurinin həyat yoldaşı: “Aparıcı soyuducunu açdı - baxın, xalq artistinin evində soyuducu boşdur” - Müsahibə  |     21:58 Fidan-Rubio danışıqlarının təfərrüatları açıqlanıb  |     21:47 Gəncədə emalatxanada yanğın olub  |     21:39 Bakıda məktəbdən uşaq oğurlanıb? - sakinlər danışd: "Hicablı kişi..." - VİDEO  |     21:30 Pakistan Hindistanla atəşkəsi mayın 18-dək uzatmağa hazırdır  |     21:23 Azərbaycanda işləyənlərin sayı açıqlandı  |     21:15 Rusiya nümayəndə heyəti Dolmabağça sarayına getmədi  |     21:08 Uzun müddət axtarışda olan şəxs barəsində cinayət işi məhkəməyə göndərilib  |     20:52 Azərbaycan və Pakistan arasında dəmir yolu sahəsində əməkdaşlıq müzakirə olunub  |     20:41 "Uşaqların ölümündən sən günahkarsan" - Bill Qeytsdən Maska  |     20:36 Masallıda 20 yaşlı oğlanın meyiti tapıldı  |     20:16 Zelenski Ərdoğanla görüşü ilə bağlı paylaşım edib  |     19:59 Uşaq oyun meydançaları ilə bağlı texniki reqlament təsdiq ediləcək  |     19:48 "Cinsiyyət orqanı tam amputasiya olunub" - Xaçmazdakı cinayətlə bağlı AÇIQLAMA (YENİLƏNİB)  |     19:31 Azərbaycan və Çin arasında ticarət-iqtisadi və humanitar əməkdaşlıq müzakirə edilib  |     19:25 Dənizdə boğulduğu ehtimal edilən skripkaçı 7 ay sonra SAĞ TAPILDI  |    

Mübariz İbrahimovun ev muzeyi açılır - FOTO

Biləsuvarda Milli Qəhrəman Mübariz İbrahimovun ev muzeyi açılır.

Muzey istifadəyə verildikdən sonra qəhrəmanın yaşadığı evdə saxlanılan şəxsi əşyaları burada sərgilənəcək.

Azərbaycanın Milli Qəhrəmanı M.İbrahimovun ev muzeyi doğulub boya-başa çatdığı rayonun Əliabad kəndindəki ata evinin həyətində inşa olunub. Mart ayından başlanan tikinti işləri artıq tamamlanmaq üzrədir.

Bir mərtəbədən ibarət olan muzeyin sərgi zalında Milli Qəhrəmana aid eksponatlar yer alacaq. Muzeyə gələn ziyarətçilərin rahatlığı üçün zalda isitmə və soyutma sistemləri quraşdırılıb. Eləcə də, M.İbrahimovun həyatı barədə maraqlı məqamları qeyd etmək istəyənlər üçün burada stol, stul yerləşdirilib.

Biləsuvar Rayon İcra Hakimiyyətindən Oxu.Az-a verilən məlumata görə, 10-20 günə muzeyin açılması gözlənilir:

“Hələlik binada son tamamlanma işləri gedir. Demək olar ki, hər şey hazırdır. Yalnız qəhrəmana məxsus əşyaların muzeyə yığılması qalıb. Lazım olan əşyalar yığılandan sonra muzey açılacaq. Hazırda bu proses davam edir.

Muzeyin dəqiq nə vaxt açılacağı məlum deyil. Amma 10-20 günə açılış olacaq. Yəni muzeyin açılması ilin sonuna kimi qalmayacaq”.

İcra Hakimiyyətindən bildirilib ki, rayon əhalisinə qəhrəmana aid əşyalar və ya şəkillərin olması ilə bağlı elanlar verilib: “Kimdə qəhrəmanla bağlı nələrsə varsa, muzeyə təqdim edə bilər. Artıq bununla bağlı rayon əhalisinə müraciət etmişik”.

M.İbrahimovun qardaşı Bəhruz İbrahimov Oxu.Az-a bildirib ki, evlərində qəhrəmana aid olan əşyalar muzeyə aparılmayıb:

“Hələlik açılış haqqında dəqiq məlumatımız yoxdur. Çünki təmir işləri gedir”.

Dövlət dəstəyi ilə tikilən muzey yaxın günlərdə istifadəyə veriləcək.














скачать dle 11.3




Şahidi olduğunuz hadisələri çəkib bizə göndərin!




            4 617 16.09.19 13:45