Qoşulmama Hərəkatının konfransında Bakı Bəyannaməsi qəbul edilib » Median.Az - Bütün xəbərlər bir ünvanda
19:39 Şərurda ölümlə nəticələnən yol-nəqliyyat hadisəsi baş verib  |     19:33 Salvadorda yağışlar 19 nəfərin ölümünə səbəb olub  |     19:25 Amerikalı Olimpiya çempionu dopinqə görə 8 il müddətinə diskvalifikasiya edilib  |     19:19 Malidə 11 müxalifətçi saxlanılıb  |     19:12 Ronald Kuman: Heç-heçənin qələbəyə bərabər olduğunu deməzdim  |     19:05 Zaqatalada yük avtomobili ilə “Mercedes” toqquşub, ölən var  |     18:56 AVRO-2024: Gürcüstan - Çexiya oyununda hesab bərabərləşdi  |     18:35 Bakıda məktəbin qarşısında yük maşını dəhşət saçdı: Əraziyə polis əməkdaşları CƏLB EDİLDİLƏR  |     18:27 Azərbaycan millisinin sabiq futbolçusunun oğluna 200 milyon avro qiymət qoydular  |     18:10 Ordumuzun Kəlbəcərdəki mövqeləri atəşə tutuldu  |     17:57 Bakı və Moskva ödənişlərlə bağlı yeni layihə üzərində işləyirlər  |     17:49 Sel yolu iki yerə böldü, sakinlər şikayətləndilər - VİDEO  |     16:48 Şahin Diniyev: "Portuqaliya yığması Türkiyə millisindən bir az üstündür"  |     16:37 Ağsu dolaylarında yabanı halda bitən iki tona yaxın çətənə kolu məhv edilib  |     16:22 "TikTok"da tanış oldu, alçaldıb əzab verərək videoya çəkdi - Bir dəfə bağışlanan cinayətkara HÖKM  |     16:19 Bələdiyyələrlə İş Mərkəzinin rəisi vəzifəsindən çıxarıldı  |     14:48 Son bir həftədə Xankəndi şəhəri ərazisindən xeyli sayda silah-sursat aşkarlanıb  |     14:37 İctimai nəqliyyatda qeyri-etik hərəkətlər edən şəxs saxlanılıb  |     14:18 Diplomatik qarşıdurma yeni mərhələdə: ABŞ ölkədəki Rusiya viza mərkəzlərini bağlayır  |     14:10 Qurban kəsmək niyyətləri faciə ilə bitdi  |    

Qoşulmama Hərəkatının konfransında Bakı Bəyannaməsi qəbul edilib

Qoşulmama Hərəkatının hazırkı sədri qismində Azərbaycan Respublikasının, təsisatın növbəti sədrləri kimi Uqanda və Özbəkistanın birgə təşkilatçılığı ilə Bakıda keçirilən “Qadınların hüquqlarının inkişaf etdirilməsi və səlahiyyətlərinin artırılması” mövzusunda beynəlxalq konfransın yekun Bəyannaməsi qəbul olunub.

“Report” xəbər verir ki, Qoşulmama Hərəkatının konfransda təmsil olunan üzv dövlətləri Bəyannamədə Hərəkatın perspektiv gündəliyi kimi insan hüquqlarının inkişaf etdirilməsi və qadınların səlahiyyətləndirilməsinə sadiqliklərini vurğulayıb, qadınların inkişafı və onların insan hüquqlarının təmin olunması sahəsində problemlərin həlli üçün siyasi iradələrini bir daha ifadə ediblər.

İştirakçılar cəmiyyətin bütün sahələrində qadınların təmsil olunmalarını, tam, bərabər və mənalı iştirakını təmin etmək öhdəliyiklərini bir daha təsdiqləyib, Qoşulmama Hərəkatının üzv dövlətlərinin siyasi sistemlərində qadınların bərabər iştirakının təşviqinin xüsusi əhəmiyyətini bildiriblər.

Eyni zamanda, Qoşulmama Hərəkatının üzv dövlətlərindəki ən son nümunələr də daxil olmaqla, ən yüksək siyasi səviyyələrdə və seçilmiş assambleyalarda qadınların artan təmsilçiliyi yüksək qiymətləndirilib.

Üzv dövlətlər kişilərin və oğlan uşaqlarının prosesə cəlb olunmasının vacibliyini dərk edərək, səyləri birləşdirməyə və qadınlara qarşı zorakılığın bütün formaları tam aradan qaldırılanadək mübarizəni davam etdirməyə qəti öhdəliklərini təkrarlayıblar.

Sənəddə qadınların mühüm rolunu və onların davamlı inkişafın bütün sahələrində tam, bərabər və mənalı iştirakının zəruriliyi bir daha təsdiqlənib, habelə bu istiqamətdə onlara liderlik üçün bərabər imkanların yaradılmasının əhəmiyyəti qeyd edilib.

Həmçinin birtərəfli məcburetmə tədbirlərinin qadınlara və qızlara, o cümlədən onların rifahının və insan hüquqlarının tam təmin olunmasına yönəlmiş milli siyasət və proqramlara zərərli təsiri tanınıb, bu kontekstdə onların dərhal və qeyd-şərtsiz tam ləğvini pisləmək və tələb etmək əzminə sadiqlik bir daha ifadə olunub.

BMT sisteminin təşkilatlarının öz mandatları çərçivəsində qadınların inkişafı və səlahiyyətlərinin artırılması, onların insan hüquqlarından istifadə edilməsinin təşviqində bütün dövlətlərin səylərini dəstəkləmək üçün mərkəzi və əlaqələndirici rolu tanınıb.

İştirakçılar, habelə gender bərabərliyinə nail olunması, bütün qadınların və qızların səlahiyyətlərinin artırılması üzrə məqsədin, eləcə də gender perspektivinin 2030-cu il İnkişaf Gündəliyinə daxil edilməsini və inteqrasiyasını alqışlayıblar.

Eyni zamanda, qadınlar üzrə IV Ümumdünya Konfransı tərəfindən qəbul edilmiş Pekin Bəyannaməsi və Fəaliyyət Platformasının tam həyata keçirilməsi istiqamətində əldə olunmuş irəliləyiş alqışlanıb, BMT Baş Assambleyasının 23-cü xüsusi sessiyasının “Qadınlar 2000: İyirmi birinci əsr üçün gender bərabərliyi, inkişaf və sülh” yekun sənədlərinə dəstək bir daha təsdiqlənib.

Qoşulmama Hərəkatının üzv dövlətləri arasında, o cümlədən yüksək səviyyəli qarşılıqlı fəaliyyət yolu ilə qadınların inkişafı və səlahiyyətlərinin artırılması, onların insan hüquqlarının həyata keçirilməsində mövcud problemlərə dair fikir, baxış və perspektivlərin mübadiləsinin intensivləşdirilməsinin vacibliyini vurğulayan iştirakçılar bununla bağlı razılaşdırılmış və məqsədyönlü tədbirlər gördüklərini bildiriblər.

Onlar Qoşulmama Hərəkatının Qadınlar Platformasının yaradılması təklifini nəzərə aldıqlarını, Qoşulmama Hərəkatının Koordinasiya Bürosu vasitəsilə bu təşəbbüsü, o cümlədən onunla bağlı iş üsullarını müzakirə etdiklərini diqqətə çatdırıblar.

Sonda qonaqpərvərliyə və noyabrın 20-21-də Qadınların hüquqlarının inkişaf etdirilməsi və səlahiyyətlərinin artırılması mövzusunda beynəlxalq konfransa ev sahibliyi etdiyinə görə Azərbaycan xalqına və hökumətinə minnətdarlıq ifadə edilib.

Beləliklə Bəyannamədə də qeyd edildiyi kimi, Azərbaycanın təşəbbüsü ilə Qoşulmama Hərəkatının çətiri altında daha bir qurum –Qadınlar Platformasının yaradılması qərara alınıb. Prezident İlham Əliyevin təşəbbüsü ilə Qoşulmama Hərəkatının Parlament Şəbəkəsi və Gənclər Şəbəkəsindən sonra Qadınlar Platformasının təsis olunması Azərbaycanın Hərəkatın fəaliyyətinin daha da təkmilləşdirilməsinə növbəti töhfəsidir.скачать dle 11.3




Şahidi olduğunuz hadisələri çəkib bizə göndərin!




            1 152 21.11.23 20:09