Xüsusi təyinatlılar təlimdə: Şərti düşmənin ehtiyatları pusqular qurularaq məhv edildi - VİDEO » Median.Az - Bütün xəbərlər bir ünvanda
23:04 Smartfonunuzu neçə ildən sonra dəyişdirməlisiniz?  |     22:51 Ayaqqabılarınıza naringi qabıqları qoyun – SƏBƏB  |     22:46 Kartofu bişirən zaman suyuna nə qədər duz tökmək lazımdır?  |     22:40 Avropanın ən gözəl kəndi AÇIQLANDI  |     22:33 Misir Qəzza ilə bağlı vasitəsiz danışıqları bərpa edəcək  |     22:24 Azərbaycanın voleybol millisi dördüncü oyunda da məğlub olub  |     22:18 Qarabağ bölgəsində tərk edilmiş döyüş mövqeyində HHM sistemi aşkarlanıb - VİDEO  |     22:09 Doberman itinin təlimində ustalaşmaq üçün ən vacib qaydalar  |     22:09 Azərbaycanda avrokuboklara vəsiqə qazanan bütün komandalar bəlli olub, "Neftçi" kənarda qalıb  |     22:01 Azərbaycan XİN İordaniyanı təbrik edib  |     21:55 Gürcüstan parlamenti Prezidentin vetosunu ləğv edəcək  |     21:48 G7 ölkələri Rusiyaya qarşı sanksiyaları gücləndirmək istəyir  |     21:39 Azərbaycan manatının dövretmə sürəti cüzi azalıb  |     21:34 Trabzonda bələdiyyə sədri döyülüb  |     21:25 Ərdoğan dəhşətli zəlzələlərin vurduğu ziyanı açıqladı  |     21:15 Vasif Talıbovun ailəsinə ağır itki - Foto  |     21:06 Yağıntı ilə bağlı magistral yollardakı vəziyyət açıqlandı  |     21:01 Parisdə küçəyə Navalnının adı veriləcək  |     20:53 Elektrik enerjisi ilə bağlı bazar operatoru yaradılacaq  |     20:49 Səhər yeməyində nələr olmalıdır?  |    

Xüsusi təyinatlılar təlimdə: Şərti düşmənin ehtiyatları pusqular qurularaq məhv edildi - VİDEO

Əlahiddə Ümumqoşun Ordunun aidiyyəti üzrə ümumqoşun birləşmələri ilə 2024-cü tədris ilinin ilk ikitərəfli komanda-qərargah təlimi keçirilib.

Bu barədə Müdafiə Nazirliyindən məlumat verilib.

Komanda-qərargah təliminin birinci mərhələsi praktiki fəaliyyətlərə cəlb olunan bölmələrin müxtəlif vaxtlarda həyəcan siqnalı ilə qaldırılaraq təlim rayonlarına çıxarılması ilə başlayıb.

Qoşunların səfərbərlik ehtiyatları ilə komplektləşdirilməsi üçün şəxsi heyət və texnikaların qəbulu məntəqələri açılaraq xüsusi ixtisaslar üzrə çağırılmış heyətin praktiki qəbulu həyata keçirilib. Açılmış məntəqələrdə müvafiq qeydiyyat aparıldıqdan sonra şəxsi heyət həkim müayinəsindən keçirilib, silah və digər zəruri təminat növləri ilə təmin olunub.
Təlimdə əsas diqqət düşmənin radioelektron vasitələrinin güclü təsiri altında ümumqoşun, eləcə də tabeliyə verilən və dəstəkləyən bölmələrin qısa müddətdə gizli olaraq müxtəlif dərəcəli döyüşə hazırolma vəziyyətinə gətirilib, düşmənin təxribat-diversiya fəaliyyətinin qarşısını alıb, qəfil fəaliyyətlərinə imkan vermədən preventiv zərbələrlə hücum əzmini qırmağa yönəldilib.

Stasionar və səhra idarəetmə məntəqələrində təlimin rəhbərliyi tərəfindən müxtəlif müdaxilələrlə qərargahların fəaliyyəti qiymətləndirilib və hesabatların aparılma ardıcıllığına, düzgünlüyünə və real şəraiti əks etdirməsinə köməklik göstərilib.

Təlimə cəlb olunan mexanikləşdirilmiş, tank, artilleriya, hava hücumundan müdafiə, Hərbi Hava Qüvvələri və xüsusi təyinatlı bölmələr verilmiş tapşırıqların öhdəsindən müvəffəqiyyətlə gələrək ümumqoşun bölmələrinin qarşısında duran tapşırıqların icrasına əlverişli şərait yaradıblar.

Təlimin gedişində xüsusi təyinatlı bölmələrin vasitəsi ilə vizual müşahidə aparılıb, şərti düşmənin döyüş mövqeləri və yaxın dərinlikdəki vacib obyektləri qiymətləndirilib. Verilən döyüş tapşırığına əsasən xüsusi təyinatlılar tərəfindən şərti düşmənin müdafiəsinin ön xəttində yerləşən döyüş mövqelərinə və komanda-idarəetmə məntəqəsinə basqınlar keçirilib.

Xüsusi təyinatlı bölmələr mövqeləri və vacib obyektləri ələ keçirdikdən sonra yaxınlaşma yollarında şərti düşmənin ehtiyatlarına pusqular quraraq məhv ediblər.

Əlahiddə Ümumqoşun Ordunun Təlim-Tədris Mərkəzinin simulyasiya mərkəzində komandir və qərargahların yaranmış şəraitə uyğun qərarları dinlənildikdən sonra ikitərəfli təlimə onlayn rejimdə start verilib.

Yekunda aidiyyəti üzrə təlimə cəlb olunmuş bölmələr tərəfindən icra edilmiş fəaliyyətlərin təhlili aparılıb, çatışmazlıqlar qeyd olunub, mövcud problemlərin həlli istiqamətində və qazanılan təcrübələrin növbəti təlimlərdə tətbiq edilməsi barədə müvafiq tapşırıqlar verilib.скачать dle 11.3




Şahidi olduğunuz hadisələri çəkib bizə göndərin!




            627 09.03.24 15:11