Bakı Ağır Cinayətlər Məhkəməsində iki qardaşı öldürməyə cəhd etməkdə təqsirləndirilən Ağdam rayon sakinləri Mübariz Əzimov və oğlu Ruslan Əzimovun CM-nin 29.120-ci (qəsdən adam öldürməyə cəhd), 126-cı (qəsdən sağlamlığa ağır zərər vurma) və 221-ci (xuliqanlıq) maddələri ilə təqsirləndirilmələrinə dair cinayət işi üzrə hazırlıq iclası keçirilib.
Median.Az xəbər verir ki, ötən ilin sentyabr ayında Mübariz Əzimov və oğlu Ruslan Xətai rayonunda borc üstündə Eltən Rüstəmov və onun qardaşı Elçin Rüstəmovu mübahisə zamanı bıçaqlayıblar və hadisə yerindən qaçıblar. Hər iki yaralıya xəstəxanada tibbi yardım göstərildiyi üçün həyatlarını xilas etmək mümkün olub.
Sentyabrın 26-da DİN-i məlumat yayıb ki, Xətai RPİ 36-cı polis bölməsi əməkdaşları tərəfindən aparılan əməliyyat-axtarış, eləcə də profilaktiki tədbirlər nəticəsində axtarışda olan Mübariz Əzimov və oğlu Ruslan könüllü istintaqa təslim olublar.
Hazırlıq iclasında təqsirləndirilən şəxslərin anket məlumatları dəqiqləşdirilib.
İş üzrə baxış mayın 1-nə təyin edilib.
Şahidi olduğunuz hadisələri çəkib bizə göndərin!
Son Əlavə