Bakı Ağır Cinayətlər Məhkəməsində Nicat Abdullayevin (1996-сı il təv.) CM-nin 126.1-ci (qəsdən sağlamlığa ağır zərər vurma) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, bu il mayın 29-da Sabunçu rayonun Ramana qəsəbəsində Orxan Rzayev taksi fəaliyyəti ilə məşğul olan Nicat Abdullayevin avtomaşınına əyləşib və sürməyi tələb edib. Bu zəmində aralarına yaranan mübahisə zamanı Orxan cibindən çıxardığı bıçaqla sürücünün ayağından zərbə vurub və kəsici aləti yerə atlb. Yerdən bıçağı götürən Nicat Rzayevin qarın nahiyəsindən bir zərbə endirib. Daha sonra o, yaraladığı Orxanı öz maşını ilə xəstəxanaya çatdırıb. Xəstəxanada hər ikisinə tibbi yardım göstərilib.
N.Abdullayev Sabunçu RPİ 12-ci polis bölməsinin əməkdaşları tərəfindən saxlanılıb.
Məhkəmənin hökmü ilə təqsirləndirilən şəxs 1 il müddətinə azadlıqdan məhrumetmə cəzasına məhkum olunub.
Şahidi olduğunuz hadisələri çəkib bizə göndərin!
Son Əlavə