Bakı Ağır Cinayətlər Məhkəməsində Millitv.az saytının baş redaktoru Rövşən Qasımov, saytın əməkdaşları - Elmira Məmmədova, Natavan Mehdiyeva və Yeganə Əhmədovanın CM-nin 182-ci (hədə-qorxu il tələb etmə) maddəsi ilə təqsirləndirilmələrinə dair cinayət işi üzrə məhkəmə prosesi başa çatıb.
Median.Az xəbər verir ki, ötən il iyulun 14-də DİN Baş Mütəşəkkil Cinayətkarlığa Qarşı Mübarizə İdarəsinin (BMCQMİ) əməkdaşları Binəqədi rayonunda, "Qədim Qəbələ" restoranında vətəndaş Şirin Abdullayevdən, barəsində rüsvayedici məlumatlar yaymamaq məqsədi ilə 3000 manat pul alan zaman Millitv.az saytının baş redaktoru Rövşən Qasımov, saytın əməkdaşları Elmira Məmmədova, Natəvan Mehdiyeva və Yeganə Əhmədova saxlanılıblar. Faktla bağlı cinayət işi başlanılıb.
Məhkəmənin hökmü ilə təqsirləndirilən şəxslərə şərti cəza verilib.
Qeyd edək ki, istintaq və məhkəmə mərhələlərində onların barələrində həbs tədbiri seçilməyib.
Şahidi olduğunuz hadisələri çəkib bizə göndərin!
Son Əlavə