Bakıda hipermarketdəki silahlı insidentin şahidi: “Sürünə-sürünə otların arası ilə getdim” - FOTO » Median.Az - Bütün xəbərlər bir ünvanda
12:41 Bakıdakı separatçılar ailələri ilə əlaqə yaratdılar  |     12:17 Azərbaycanda mindən çox vətəndaş deputat olmaq istəyir  |     12:15 Ermənistan ABŞ, Fransa və Aİ-nin göstərişi ilə Azərbaycana qarşı yeni silahları sınaqdan keçirib  |     12:13 Göyçay sakini qonşusunu baltaladı  |     12:12 Azərbaycanın üç klubunun rəqibləri bilinir  |     12:01 Bakıda minik avtomobili dəmir maneəyə çırpılaraq yanıb  |     11:57 Azərbaycanda klub rəhbəri və qohumunun faciəli şəkildə ölümünün TƏFƏRRÜATI - FOTO (YENİLƏNİB)  |     11:53 Bakıda avtomobil körpəni vuraraq öldürüb  |     11:53 Şimşək çaxıb, yağış yağıb  |     11:52 Bir neçə saata Kamala Harris üçün 46.7 milyon dollar ianə toplanıb  |     11:50 Ən faydalı dondurmanı necə seçmək olar? - Nutrisioloqdan məsləhət  |     11:47 Şolts 1980-ci illərdə istehsal edilmiş televizordan istifadə edir  |     11:43 Ronaldu sevgilisi ilə çimərlik fotosunu paylaşdı - FOTO  |     11:25 NATO 500 mindən çox hərbçini yüksək hazırlıq vəziyyətinə gətirib  |     11:16 Çətin və şərəfli yol keçən Azərbaycan mətbuatının 149 yaşı tamam olur  |     11:12 Bu il bəzi ixtisaslar üzrə rəqabət yüksək olacaq - VİDEO  |     11:08 Rusiyada uşaq düşərgəsində epidemiya: Zəhərlənənlərin sayı 40 nəfərə çatıb  |     23:08 Evləri külə dönən ailə 16 gündür çöldə gecələyir  |     22:28 Bakının mərkəzində kişinin başı kəsildi - Hadisə baş verən yerdən GÖRÜNTÜLƏR  |     22:04 "Yuventus"un əfsanəsi məhkəmə qarşısına çıxacaq: Ciddi İTTİHAMLAR  |    

Bakıda hipermarketdəki silahlı insidentin şahidi: “Sürünə-sürünə otların arası ilə getdim” - FOTO

Bakıda “Bravo” hipermarketin qarşısında silahlı insidentlə bağlı təqsirləndirilən Azər Məmmədov, Dəyanət Qüdrətov, İbrahim İbrahimov, Səbuhi Qurbanov, Babək İsgəndərov və Rövşən İsmayılovun cinayət işi üzrə məhkəmə prosesi keçirilib.

Teleqraf.com xəbər verir ki, Bakı Ağır Cinayətlər Məhkəməsində hakim Azad Məcidovun sədrliyi ilə baş tutan iclasda zərərçəkmiş qismində tanınan Namiq Qəhrəmanov ifadə verib.

O bildirib ki, hadisə günü mühafizəçinin vurulduğunu görüb: “Mən orada bir nəfəri gördüm. Maşına dörd güllə dəydi. Mənə güllə dəymədi, qorxmuşdum. Şikayətim və tələbim yoxdur. Amma təqsirləndirilənlərlə barışmamışam və onları bağışlamıram”.

Daha sonra şahid qismində ifadə verən Rasim Şirinov bildirib ki, hadisə baş verən gün “Bravo”nun qarşısında idarə etdiyi avtomobilin yanında dayanıbmış:

“Novruz bayramı ərəfəsi olduğundan “Bravo”da reklamlar vurulmuşdu, qabağı görmək olmurdu. Birdən güclü partlayış səsi gəldi. Boylananda gördüm ki, bir nəfər əlində avtomat qaçır. Arxası mən tərəfə idi, üzünü görə bilmədim.

Mən də əks-tərəfə qaçdım, ayağım ilişdi, yıxıldım. Yenə atəş səsi gəldi, elə bildim mənə dəydi. Sürünə-sürünə otların arası ilə getdim. Elə bildim terrordur, insanları qırırlar, maşını açıq qoyub qaçmışdım”.

Növbəti proses fevralın 14-də davam edəcək.


İttihama görə, bu ilin martın 4-də qabaqcadan əlbir olan bir qrup şəxs tərəfindən paytaxtın Xətai rayonu ərazisində yerləşən “Bravo” hipermarketinə edilən silahlı basqın nəticəsində xidməti vəzifəsini yerinə yetirərək orada quraşdırılmış və banklardan birinə məxsus bankomata pul vəsaitlərini yerləşdirən Samir Şaydayevə ağır xəsarət yetirilməsi, onun mühafizəsini təşkil edən Rüfət Həşimovun isə öldürülməsi, eləcə də külli miqdarda pul vəsaitinin ələ keçirilməsi faktı ilə bağlı Baş Prokurorluğun İstintaq idarəsində başlanmış cinayət işinin istintaqı tamamlanıb.

Cinayət işi üzrə toplanmış mötəbər sübutlar əsasında 6 nəfər - 1 şəxs qabaqcadan əlbir olan bir qrup şəxs halında və quldurluqla əlaqədar xidməti vəzifəsini yerinə yetirən şəxsi qəsdən öldürmə və öldürməyə cəhd etməyə görə, 3 şəxs eyni əməllərinin törədilməsinə köməkliyə görə, 1 şəxs qabaqcadan əlbir olan bir qrup şəxs halında odlu silah hazırlamağa köməkliyə görə, 1 şəxs isə bu cinayət əməlini törətməyə təhrik etməyə görə cinayət məsuliyyətinə cəlb edilib.

Həyata keçirilən təxirəsalınmaz istintaq-əməliyyat tədbirləri nəticəsində cinayətin törədilməsində iştirak edən Ruhlan İsmayılov tutularkən polis əməkdaşlarına qarşı silahlı müqavimət göstərdiyi üçün zərərsizləşdirilib.

Ruhlan İsmayılovun qeyd edilən cinayətdə təqsiri istintaq zamanı tam sübuta yetirilmiş olsa da, onun barəsində cinayət yeni xarakterli xüsusatlar aşkar edildiyinə görə iş materiallarından barəsində cinayət işi ayrılaraq istintaqı davam etdirilir.

Cinayətin törədilməsində istifadə edilən “AKS Lancaster-03” markalı yivsiz ov tüfəngi, “Makarov” tipli tapança, həmçinin təqsirləndirilən şəxslərin yaşadığı ünvandan “Minta37” markalı tapança, çoxsaylı döyüş sursatları, banka məxsus 16 835 manat və 20 100 ABŞ dolları məbləğində pul vəsaitləri aşkar edilib.

Məlum olub ki, təqsirləndirilən şəxslərdən Babək İsgəndərov müharibə veteranıdır, Füzuli və Xocavəndin azad olunması medalları ilə təltif olunub.

Digər təqsirləndirilən Rövşən İsmayılov isə hadisədən sonra polisə müqavimət göstərərkən məhv edilən Ruhlan İsmayılovun atasıdır.скачать dle 11.3




Şahidi olduğunuz hadisələri çəkib bizə göndərin!




            804 01.02.24 12:35