Finlandiya parlamentinin spikeri: "Bəşəriyyət artıq III Dünya müharibəsindədir"
Median.Az xəbər verri ki, bu barədə "Yle” nəşri yazıb.
Halla-aho hesab edir ki, dünya Üçüncü Dünya müharibəsinin artıq başladığını dərk etmir, "çünki biz onu hər vəchlə önləməyə çalışırıq". O xəbərdarlıq edib ki, faktların göz ardı edilməsi ciddi problemlərə gətirib çıxara bilər.
"Əgər müharibə vəziyyətində olub-olmadığımızı bilmiriksə, hər zaman müharibədə olduğumuzu fərz etmək daha yaxşıdır", – deyə Halla-aho Turun Sanomat qəzetinə müsahibəsində bildirib.
Onun fikirləri ötən bazar günü İsveçin baş naziri Ulf Kristerssonun bəyanatı ilə üst-üstə düşür. Kristersson bildirmişdi ki, "İsveç müharibə vəziyyətində deyil. Lakin sülh şəraitində də deyil".
Halla-aho vurğulayıb ki, Ukraynanı qorumaq və ona yardım göstərmək ali siyasi prioritet olmalıdır. O bildirib ki, Ukraynadakı müharibə Finlandiya siyasətində hazırkından daha çox diqqət tələb edir.
Parlamentin spikeri əlavə edib ki, Finlandiya öz hədəfini daha aydın müəyyənləşdirməli və bu istiqamətdə sərmayələr etməlidir.
Finnlər Partiyasının keçmiş sədri olan Yussi Halla-aho slavistika üzrə fəlsəfə doktorudur. O, 1990-cı illərdə Finlandiyanın Kiyevdəki səfirliyində çalışdığı üçün rus və ukrayna dillərini sərbəst bilir.
