Əməkhaqları, pensiyalar və təqaüdlər artırılır - SƏRƏNCAM » Median.Az - Bütün xəbərlər bir ünvanda
12:50 Koronavirus xəstələri ictimai yerlərdə aşkar edilərək saxlanılıblar  |     12:48 Ağdaşda qəbiristanlıqdan oğurluq edənlər saxlanıldı  |     12:47 Hindistanda ordunun əməliyyat səhvinə görə 14 nəfər həlak oldu  |     12:46 Azərbaycanda avtomobil su kanalına düşdü: Ölənlər var  |     12:44 Türkiyədə kəndin əhalisi bir gündə 70 dəfə artdı  |     12:39 COVID-19 xəstələrinin müalicəsində təhlükəli səhv açıqlandı  |     12:38 Roma Papası pravoslav xristianlardan üzr istəyib  |     12:21 Çində sürücüsüz avtobusların sınaqlarına başlanıb - VİDEO  |     12:08 Avstraliya parlamenti bağlandı  |     11:57 Bakıda mənzildə 53 yaşlı kişinin meyiti tapıldı  |     11:37 Belarus Ukraynaya nota verdi  |     11:30 YPX avtomobili qəzaya düşüb  |     11:15 Qusara istirahətə gedən 13 yaşlı oğlan dağdan yıxılaraq öldü  |     23:01 Təhvil verilən erməni hərbçilərin SİYAHISI  |     22:56 Lənkəranda evə qaz sızıb, partlayış olub, 14 yaşlı şagird xəsarət alıb  |     22:49 Bağırsaqlar üçün müalicəvi ot çayı  |     22:44 ATƏT-in Minsk Qrupu Azərbaycan və Ermənistan XİN rəhbərlərinin görüşünü keçirməyə hazırdır  |     22:39 Türkiyə Prezidenti müxalifətin çoxminli mitinqinə reaksiya verib  |     22:25 Ukraynaya məxsus helikopter Belarus sərhədini pozdu  |     22:16 Banklar niyə kredit vermir?  |    

Əməkhaqları, pensiyalar və təqaüdlər artırılır - SƏRƏNCAM
Prezident İlham Əliyev əhalinin sosial rifahının qorunması sahəsində əlavə tədbirlər haqqında sərəncam imzalayıb.

Bu barədə AZƏRTAC məlumat yayıb.

Sərəncamda deyilir:

Ölkə əhalisinin rifah halının yaxşılaşdırılması aparılan sosial-iqtisadi siyasətin mühüm prioritetlərindən biridir. Son illərdə bu istiqamətdə ciddi irəliləyişlərə nail olunmuş, əhalinin sosial müdafiəsinin gücləndirilməsi, sosial ödənişlərin, əməkhaqlarının artırılması istiqamətində ardıcıl addımlar atılmışdır. Bu məqsədlə 2019-cu ildə iki sosial islahat zərfi qəbul olunaraq icra edilmiş, müavinət və təqaüdlərin məbləğinin orta hesabla 92 %, əmək pensiyasının minimum məbləğinin 72 %, minimum əməkhaqqının 92 %, dövlət büdcəsindən maliyyələşdirilən qurumlarda işləyənlərin əməkhaqlarının orta hesabla 50 % artırılması təmin edilmişdir. Görülmüş tədbirlər nəticəsində 2018-ci ilin əvvəli ilə müqayisədə orta aylıq nominal əməkhaqqının məbləğində 39 %, əmək pensiyalarının orta məbləğində 60%, sosial müavinətlərin orta məbləğində 2 dəfə, Azərbaycan Respublikası Prezidentinin təqaüdlərinin orta məbləğində isə 2,2 dəfə artım əldə olunmuşdur.

2021-ci ildə ölkəmiz COVID-19 pandemiyasının yaratdığı sarsıntıları geridə qoyaraq, inamlı şəkildə iqtisadi bərpa yoluna qayıtmışdır. Bu, dünya miqyasında pandemiyaya qarşı peyvəndlərin ərsəyə gətirilməsi, ölkəmizdə isə insanlarımızın bu xəstəlikdən qorunması istiqamətində dövlət tərəfindən əhatəli və effektiv sosial-iqtisadi tədbirlərin, xüsusilə genişmiqyaslı peyvəndləmə kampaniyasının keçirilməsi, həmçinin 2020-ci ildə əhalinin sosial baxımdan həssas qruplarına maliyyə və sosial dəstək göstərilməsi, eləcə də pandemiyadan zərər çəkmiş iqtisadi sahələrdə fəaliyyət göstərən sahibkarlara, qurumlara vergi və bank-kredit güzəştlərinin verilməsi sayəsində mümkün olmuşdur. Bununla yanaşı, qeyd olunmalıdır ki, dünya iqtisadiyyatında bərpa meyillərinin güclənməsi müşahidə olunmaqdadır. Lakin dünya miqyasında iqtisadi fəallığın bərpası və məcmu tələbin artması templərinin vaxtilə dayandırılmış istehsal, nəqliyyat-logistika və təchizat güclərinin iqtisadi dövriyyəyə qaytarılması sürətini xeyli üstələməsi beynəlxalq bazarlarda bir çox əmtəələrin qiymətlərinin əhəmiyyətli dərəcədə qalxmasını şərtləndirərək yeni çağırışlar yaratmışdır.

Bu vəziyyət ölkəmizə idxal olunan əmtəələrin, o cümlədən bir sıra ərzaq məhsullarının qiymətlərinin artımına səbəb olur və nəticə etibarilə sosial baxımdan ən həssas əhali qruplarının rifah halına mənfi təsir göstərir.

Beynəlxalq bazarlardakı proseslərin ölkədaxili qiymətlərə sirayət etməsinin ölkə əhalisinə, xüsusilə həssas əhali qruplarına mənfi fəsadlarını yumşaltmaq və əhalinin sosial müdafiəsini gücləndirmək məqsədilə Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Azərbaycan Respublikasının Nazirlər Kabineti:

1. Əməkhaqlarının, əmək pensiyalarının və sosial müavinətlərin, təqaüdlərin və digər sosial ödənişlərin məbləğlərinin artırılmasının təmin edilməsi ilə bağlı Azərbaycan Respublikasının 2022-ci il dövlət büdcəsi layihəsində müvafiq tədbirlərin əks etdirilməsi üçün təkliflərini hazırlayıb Azərbaycan Respublikasının Prezidentinə təqdim etsin.скачать dle 11.3


Нажмите на эту ссылку, чтобы прочитать новость на русском языке.


Şahidi olduğunuz hadisələri çəkib bizə göndərin!




            963 16.10.21 15:57