Gürcüstan azərbaycanlıları Almaniyada problemlə üzləşib » Median.Az - Bütün xəbərlər bir ünvanda
17:25 Azərbaycanda bir peşə məktəbində koronavirusa görə tədris DAYANDIRILDI  |     17:19 Dmanisidə azərbaycanlılara hücum edən səkkiz nəfər saxlanılıb - RƏSMİ  |     17:05 Qəzzada ölən fələstinlilərin sayı 200-ü keçib  |     16:52 Azərbaycanda son sutkada 13 nəfər koronavirusdan ölüb - FOTO  |     16:20 Sükan arxasında “TikTok” çəkən sürücü işdən azad edilib - VİDEO  |     16:11 Zakir Həsənov qoşunların idarə olunması üzrə tapşırıqlar verdi  |     13:53 Azərbaycanda ana dörd uşağını küçədə saxlayır? - İDDİA  |     13:35 Authentication required  |     12:49 Bakıda bir marşrutda gediş haqqı endirildi - FOTO  |     12:37 Gürcüstanda azərbaycanlılarla svanlar arasında kütləvi dava olub: Xəsarət alanlar var - VİDEO  |     12:10 Qubada avtomobillər toqquşub: Xəsarət alanlar var  |     12:00 Abş​​​eronda qadına küçədə hücum edildi  |     11:47 AzTV-də yoxlamalar aparılır - Rəsmən təsdiqləndi  |     11:46 DSX əməkdaşlarının öldürülməsini Baş Prokurorluq araşdıracaq  |     11:15 18 minə yaxın şagird imtahan verəcək  |     11:01 Türkiyədə “lokdaun” ləğv edildi  |     23:01 Qaxda 56 yaşlı kişi evində ölü tapıldı  |     22:51 Göygöldə sərxoş sürücü avtomobilini aşırdı  |     22:31 Goranboyda 40 ton ot bağlaması yandı  |     22:18 Ağstafada minik maşını aşıb, sürücü yaralanıb  |    

Gürcüstan azərbaycanlıları Almaniyada problemlə üzləşib
Almaniyaya mövsümlük işçi kimi gələn Gürcüstan vətəndaşları problemlə üzləşib.

Bu barədə Avropa bürosuna Bavariya əyalətindəki bir çiyələk tarlasında çalışan azərbaycanlılar məlumat veriblər. Onların sözlərinə görə, ötən ay Almaniyaya mövsümlük işçi kimi gəliblər. Gürcüstanda olarkən Almaniyaya işçi kimi gəlmək üçün müqavilə bağladıqları şirkət onlardan adambaşına 100 avro pul alıb. Etiraz edən azərbaycanlılar əsasən Marnueli rayonundandır. Onlar bildirirlər ki, Almaniyaya gəldikdən sonra çalışdıqları çiyələk firmasının sahibi onları müqavilə ilə nəzərdə tutulmuş qaydalarda çalışdırmayıb.

“Bildiyiniz kimi bu ildən artıq Gürcüstan vətəndaşları Almaniyaya mövsümlük işçi kimi gedə bilirlər. Əsasən qulançar və çiyələk tarlalarında iş təklif olunur. Müqavilədə yazılmışdı ki, bizə saat başına 9,35 avro pul ödəyəcəklər, qalma yeri ilə təmin edəcəklər, bir otaqda maksimum iki nəfər qalacaq, koronavirusla bağlı tədbirlərə riayət ediləcək və hər həftə müayinədən keçiriləcəyik. Ancaq Almaniyaya gəldikdən sonra bu vədlərin demək olar ki, heç biri olmadı”- deyə şikayətçi azərbaycanlılar bildiriblər.

Onların sözlərinə görə, şərqi Avropadan, xüsusilə Rumıniyadan gələn işçilərin bir çoxu koronavirusa yoluxduqdan sonra, ölkələrinə qayıtmaq məcburiyyətində qalıblar. Bəziləri isə, qulançar tarlalarındakı işin ağırlığına görə geri qayıdıblar:

“Təsəvvür edin, bir otaqda 5-6 nəfər qalırıq. Vəd etdikləri 9,35 avro iş saatına görə yox, səhər qoyulan plana görə verilir. Məsələn, menecer gəlib səhər deyir ki, bu gün adambaşına 300-500 kilo çiyələk yığmalısız. Hava qaralır, iş saatı bitir, ancaq görürük ki, 200 kilo güclə yığmışıq. Bu günün kəsirini növbəti günə əlavə edib, tələb edirlər. Qısacası bizi burada çox ağır şərtlər altında işlədirlər”.

Şikayətçi Gürcüstan azərbaycanlıları bildiriblər ki, Bavariyadakı əmək müfəttişliyinə və yerli səhiyyə təşkilatına şikayət etdikdən sonra, tarlalarda yoxlamalar aparılıb:

“Ancaq bu yoxlamalar barədə əvvəlcədən xəbərdar olan firma sahibi bir gün öncəsindən hər şeyi qaydasına qoydu. Hətta bizə sürətli korona testi payladı. Yalnız nəticəsi neqativ olanlar tarlaya buraxıldı”.

Şikayətçilər bildiriblər ki, Gürcüstanda müqavilə bağladıqları şirkəti məhkəməyə verməyə hazırlaşırlar.

“Report”un Avropa bürosunun əməkdaşı məsələ ilə bağlı Bavariya əyalətindəki çiyələk firmasının rəhbərliyinə sorğu göndərib. Ancaq firma hələ də sorğuya cavab verməyib.скачать dle 11.3





Şahidi olduğunuz hadisələri çəkib bizə göndərin!




            219 16.04.21 16:08