Oğurladığı pulları mərc oyununda itirdi - FOTO » Median.Az - Bütün xəbərlər bir ünvanda


Oğurladığı pulları mərc oyununda itirdi - FOTO
Şəmkir rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində cari ilin yanvar və fevral aylarında rayon ərazisində bir neçə evdən oğurluq edən şəxs saxlanılıb.

Daxili işlər Nazirliyinin Mətbuat Xidmətinin Gəncə regional qrupundan verilən məlumata görə, aparılan araşdırmalarla müəyyən edilib ki, Şəmkir rayon sakini, 23 yaşlı İslam Vəliyev yanvar ayının əvvəllərində rayon ərazisindəki evlərdən birinə gizli yolla daxil olaraq, oradan bir ədəd “Grundig” markalı televizor və üç ədəd şüşə qab oğurlayıb.

Daha sonra o, fevral ayının 16-da başqa bir evə daxil olaraq, oradan bir ədəd “Arçelik” markalı televizor və “HP” markalı kompüter, fevralın 25-də isə digər bir evə gizli yolla daxil olaraq, oradan səkkiz ədəd büllur meyvə və şirniyyat qabları oğurlayıb.

Şübhəli şəxs saxlanılaraq maddi sübutlarla birlikdə istintaqa təhvil verilib. Dindirilmə zamanı İ.Vəliyev törətdiyi oğurluq hadisələrini etiraf edib. O, oğurladığı əşyaları 1200 manata satdığını, əldə etdiyi pulu isə mərc oyunlarında uduzduğunu bildirib.

Faktla bağlı araşdırma aparılır.





скачать dle 11.3





Şahidi olduğunuz hadisələri çəkib bizə göndərin!




          616 11.03.20 12:46