Mojo.az — elanlar
RU
RU
Son Xəbərlər
23:02 Bu 3 bürc bazar günü XOŞ XƏBƏR ALACAQ | 22:56 Gələn il Azərbaycanda 950 min tona yaxın kartof istehsalı proqnozlaşdırılır | 22:51 371 roman yazan qadın süni intellektə görə təhdid və təhqirlə üzləşdi | 22:44 Zaxarova NATO-nu ittiham etdi | 22:39 "Avroviziya Asiya"nın ilk qalibi oldu | 22:31 Avtomobili özündən xəbərsiz satışa çıxarıldı - VİDEO | 22:26 "Meta" 805 milyon avro cərimələnib | 22:17 Azərbaycanda bəzi binalara istilik verilməyə bilər: Səbəb - Video | 22:08 Lənkəranda ağlasığmaz hadisə: Hotelin icarədarı öz işçilərini qarət etdi | 22:00 Dağıstanda məşhur idmançı güllələnərək öldürüldü | 21:56 Ramiz Mehdiyevin qızının vəkili həbs edildi | 21:49 Lənkəranda ağlasığmaz hadisə: Hotelin icarədarı öz işçilərini qarət etdi | 21:33 Büdcədə tarixi dəyişiklik: Neftdənkənar gəlirlər 60 faizi ötəcək - Foto | 21:26 İlon Maskın "Starship" raketi sınaq zamanı partladı - Video | 20:49 Kütləvi yol-nəqliyyat hadisəsində ölənlərin sayı 13-ə çatıb | 20:44 Məktəblərdə sərt qaydalar tətbiq oluna bilər: Cərimə, qırmızı kart və uzaqlaşdırılma | 20:36 Bakıda yataqxanadan tələbə qızın meyiti tapıldı | 20:30 Leyla Əliyeva COP31-ə dair videoçarx paylaşıb - Video | 20:24 Tələbələri şantaj edərək pul istəyən şəxs barəsində qərar verildi | 20:10 "Nvidia" şirkətinin rəhbərliyinə mümkün namizədin adı açıqlandı |
Mojo.az Avto
Mojo.az Avto

ABŞ-də 380 milyon il yaşı olan qalıqlar zibilliyə atıldı

19.03.2025 11:55 1 908
ABŞ-də 380 milyon il yaşı olan qalıqlar zibilliyə atıldı
ABŞ-nin UPS çatdırılma xidməti ödəniş etməyən Nyu-Cersi universitetinin səhlənkarlığı səbəbindən 380 milyon il yaşı olan daşlaşmış qalıqları zibilliyə atıb.

Bu barədə "NBC News" telekanalı mənbəyə istinadən xəbər verib.

Bildirilir ki, bu hadisə ilə əlaqədar Uilyam Paterson Universitetinin ətraf mühit elmləri professoru və paleontoloq Martin Bekker universiteti məhkəməyə verib.

İddiaya görə, amerikalı professor həmkarı ilə birlikdə Devon dövrünə aid dəniz onurğasızlarının daşlaşmış qalıqlarından ibarət kolleksiyaya həsr olunmuş monoqrafiya yazmağı planlaşdırıb.

Ötən ilin iyunun 20-də Bekker təxminən 200 daşlaşmış qalığı 19 ayrı qutuda qablaşdırıb ki, kolleksiyanı Floridadakı həmkarına göndərsin. Həmin gün bağlamalar universitetin poçt şöbəsinə çatdırılıb və poçt şöbəsinin rəhbəri Raymond Buna təhvil verilib.

Çatdırılma üzrə ixtisaslaşan UPS şirkəti bağlamaları götürüb, lakin bir neçə gün sonra professorun həmkarları ona qalıqların çatdırılmadığını bildiriblər.

Bir neçə ay sonra - sentyabrın 20-də poçt şöbəsinin müdiri Bekkerə bildirib ki, bağlamalar, ola bilsin ki, UPS-in dələduzluqla mübarizə şöbəsindədir. Alim nəqliyyat şirkəti ilə əlaqə saxlayıb və ona bildirilib ki, Uilyam Paterson Universiteti lazımi hesabları ödəməyib, nəticədə universitetin sifarişi ləğv edilib.

"Müştərimiz öyrəndi ki, bağlamalar Tennessi ştatının Neşvil şəhəri və ya onun ətrafında müəyyən edilməmiş bir zibilliyə atılıb", - deyə məhkəmə iddiasında qeyd olunur.

Bekker kolleksiya üçün zərərin, həmçinin emosional stres üçün tibbi xərclərin ödənilməsini tələb edib.

Son xəbərlər