ABŞ-ın Las-Veqas şəhərində keçirilən yeniyetmə ağır atletlər arasında dünya birinciliyi çərçivəsində Əli Şükürlü körpücük üzərinə çıxıb və bürünc medal qazanıb.
Bu barədə Azərbaycan Ağır Atletika Federasiyası məlumat yayıb.
Ə.Şükürlü 102 kq çəki dərəcəsində qüvvəsini sınayıb.
Atletimiz birdən qaldırma hərəkətində 125 kq-ı ram edərək bu hərəkətdə dünya birinciliyinin bürünc medalına sahib çıxıb.
Əli təkanla qaldırma hərəkətində də uğurlu çıxışını davam etdirib. O, 155 kq-ı başı üzərinə qaldıraraq bu hərəkətdə bürünc medala yiyələnib.
Toplam 280 kq (125+155) nəticə göstərən Şükürlü yekun sıralamada da 3-cü yeri tutaraq fəxri kürsüyə qalxmağı bacarıb.
Qeyd edək ki, hazırda Las-Veqasda keçirilən yarışda çıxış edən Azərbaycan yığma komandasının aktivində beş bürünc medal - bir böyük, dörd kiçik - var.
Buna qədər Ömər Cavadov (55 kq) və Rüstəm Qasımov (67 kq) öz çəkilərində birdən qaldırma hərəkətində bürünc medala sahib çıxıblar. ABŞ-ın Las-Veqas şəhərində keçirilən yeniyetmə ağır atletlər arasında dünya birinciliyi çərçivəsində Əli Şükürlü körpücük üzərinə çıxıb və bürünc medal qazanıb.
Şahidi olduğunuz hadisələri çəkib bizə göndərin!
Son Əlavə