“Formula 1” üçün Bakıya gələnlər beş gündən bir testdən keçiriləcək

Bakıda keçiriləcək “Formula 1” üzrə Azərbaycan Qran Prisində iştirak etmək üçün ölkəyə gələn komanda üzvləri dərhal koronavirus testindən keçiriləcək.

Bu barədə Oxu.Az-a yarışın təşkilatçısı olan “Bakı Şəhər Halqası”nın İctimaiyyətlə Əlaqələr Şöbəsinin müdiri Ayan Nəcəf deyib.

O bildirib ki, iştirakçılar Azərbaycana gəldikdən sonra da testdən keçiriləcək: “Ümumiyyətlə, burada qaldıqları müddətdən asılı olaraq, onlardan hər beş gündən bir test götürüləcək. Həmçinin bizim şirkətin pilotlar və komanda üzvləri ilə təmasda olan əməkdaşları, marşallar da testdən keçiriləcək”.

Qeyd edək ki, Azərbaycanda “Formula 1” yarışı 4-6 iyun tarixlərində keçiriləcək. Yarış “Formula-1”in tələbinə uyğun olaraq, tamaşaçısız keçiriləcək.скачать dle 11.3

Şahidi olduğunuz hadisələri çəkib bizə göndərin!