Venesuela prezidenti Nikolas Maduro müxalifətlə danışıqlar prosesinin başlamasını açıqlayıb.
RİA Novosti xəbər verir ki, Venesuela prezidenti bunu dövlət televiziyasında elan edib.
Danışıqlar Barbados adasında Norveç hökumətinin vasitəçiliyi ilə həyata keçirilir.
“Bu gün, Norveç hökumətinin iştirakı ilə Barbados adasında Venesuela müxalifəti ilə dialoq prosesi başlayıb. Çox maraqlı bir başlanğıcdı. Mən danışıqlar prosesinin başlanğıcında nümayəndə heyətimizin başçısından bir mesaj aldım. Və bu mesaj məndə gələcəyə böyük ümidlər yaratdı” - deyə, Maduro bildirib.
Onun sözlərinə görə, danışıqlar 6 bənd üzrə qurulub: onlar ölkə həyatının müxtəlif sahələrini əhatə edir.
Şahidi olduğunuz hadisələri çəkib bizə göndərin!
Son Əlavə