Qəzza sektorundan İsrail ərazisinə 90 ədəd raket atılıb.
Bununla bağlı İsrail Müdafiə Nazirliyinin “Twitter” hesabında məlumat verilib.
Məlumatda bildirilib ki, hərbçilər onlarla raketi “tutub” və cavab atəşi açıblar. Raket atəşi bir saatdan çox davam edib. Bu, sakitlik ayında ilk atəş olub.
Xəsarət alanlarla bağlı məlumat yoxdur.
İlkin məlumatlara görə, İsrail tərəfinin Qəzzaya açdığı cavab atəşi nəticəsində azı dörd fələstinli yaralanıb.
Bununla bağlı Fələstinin Səhiyyə Nazirliyinin mətbuat katibi Əşrəf ək-Kidr “RİA Novosti”yə açıqlamasında məlumat verib.
Qeyd edilib ki, İsrail qırıcıları HƏMAS-ın nəzarətindəki əraziləri atəşə tuturlar. Hazırda atəş davam edir.
Şahidi olduğunuz hadisələri çəkib bizə göndərin!
Son Əlavə