Seçki mübahisələrini geridə qoyaraq, diqqətimizi əsl gündəmimiz olan iqtisadiyyat və təhlükəsizlik kimi məsələlərə yönəltməliyik.
Bunu Türkiyə prezidenti Rəcəb Tayyib Ərdoğan özünün “Twitter” səhifəsində yazıb.
O bildirib ki, ölkənin qarşısında fasiləsiz olaraq 4,5 illik icra dönəmi var:
“Dönəm qucaqlaşma, birlik və bərabərliyimizi möhkəmləndirmə dönəmidir. Qayəmiz millətimizin rifahını artırmaq, təhlükəsizlik və azadlıq balansını qoruyaraq ölkəmizin müstəqilliyinə yönəlmiş təhdidləri aradan qaldırmaq və Türkiyənin 2023 hədəflərinə çatdırmaqdır”.
Ərdoğan sosial media açıqlamalarında islahatlardan da danışıb.
“Terrorla mübarizəmizi qərarlılıqla davam etdirərkən, ölkəmizin ehtiyacı olan struktur islahatlarını da həyata keçirməyə davam edəcəyik”, - prezident qeyd edib.
Şahidi olduğunuz hadisələri çəkib bizə göndərin!
Son Əlavə