Azərbaycanın Müdafiə Sənayesi Nazirliyinin (MSN) mühəndisləri tərəfindən yaradılmış ST-12.7 iriçaplı snayper tüfənginin ilkin atışları keçirilib.
Bu barədə “AzeriDefence”ə Müdafiə Sənayesi nazirinin müşaviri Azad Məmmədov məlumat verilib.
A.Məmmədovun sözlərinə görə, ilk prototipi ADEX-2018 sərgisində nümayiş etdirilmiş 12.7×108 mm çaplı ST-12.7 snayper tüfəngi xüsusi təyinatlılar üçün nəzərdə tutulur. Silah kiçik qabariti və yüngül çəkisi ilə fərqlənir.
“ST-12.7 üçün 1600 metr atış məsafəsi nəzərdə tutulub. Sınaqlarda 1600 metrədək atışlar həyata keçirmişik və yüksək dəqiqlik əldə olunub. Tüfəng hazırda qiymətləndirmə sınaqlarındadır”, – deyə nazir müşaviri vurğulayıb.
A.Məmmədov bildirib ki, ST-12.7 snayper tüfəngi zəif təpməyə, yüksək dəqiqliyə və rahat erqonomikaya malikdir. Silahda yüksək effekktivliyə malik lülə ağız əyləci və yeni nişangah sistemi tətbiq olunub.
Şahidi olduğunuz hadisələri çəkib bizə göndərin!
Son Əlavə