Median.Az xəbər verir ki, DİN Çevik Pois Alayı, Qaradağ RPİ 10-cu polis bölməsi və Qaradağ rayon Mühafizə şöbəsinin əməkdaşları əməliyyat-axtarış tədbirləri nəticəsində fevraıln 11-dən iyulun 20-dək olan müddətdə rayon ərazisindəki 2 evdən, 2 mağazadan və 1 avtomobildən pul, qızıl əşyalar, tütün məmulatı və akkumulyator oğurlayan Sabirabad rayon sakini Anar Məlikovu saxlayıblar.
Bundan başqa, Qaradağ RPİ 10-cu polis bölməsinin əməkdaşları mayın 7-dən iyulun 10-dək olan müddətdə rayon ərazisindəki 1 mağazadan geyim əşyaları və vətəndaş P.Cəfərovun cibindən 40 manat oğurlayan Yevlax rayon sakini, əvvəllər məhkum olunmuş Coşqun Məmmədovu saxlayıblar, Qaradağ RPİ 38-ci polis bölməsinin əməkdaşları aprelin 24-də rayon telefon qovşağına məxsus 180 metr dirəklərarası rabitə kabelini oğurlayan Sahil qəsəbə sakini Mehman Zeynalovu saxlayıblar. Onun iyulun 13-də daha 1 mağazadan pul və siqaret oğurlaması da məlum olub. Nərimanov RPİ 16-cı polis bölməsinin əməkdaşları iyulun 23-də mağazadan 80 manat və geyim əşyaları oğurlayan Goranboy rayon sakinləri Leyla Məmmədova, Samur Uğurluyev və Yevlax rayon sakini olan bir yeniyetmə saxlayıblar, Binəqədi RPİ 7-ci polis bölməsinin əməkdaşları iyulun 7-də evlərin birindən 10.000 manat dəyərində qızıl əşyaları oğurlayan Bakı şəhər sakini, əvvəllər məhkum olunan Vahid Quliyevi saxlayıblar, Xəzər RPİ 2-ci polis şöbəsinin əməkdaşları iyulun 27-də Buzovna qəsəbəsindəki evlərin birindən oyun aparatı oğurlayan Bakı şəhər sakini, əvvəllər məhkum olunmuş Aqşin Əliyevi saxlayıblar, onun daha 4 vətəndaşın mobil telefonlarını oğurlaması məlum olub.
Metropolitendə Polis şöbəsinin əməkdaşları əməliyyat-axtarış tədbirləri nəticəsində Bakı şəhər sakini Zaur Ələkbərovu, Sumqayıt şəhər sakini Təvəkkül Cavadovu və Balakən rayon sakini Rəşad Qurbanovu saxlayıblar. Məlum olub ki, onlar "Gənclik" stansiyasında, qatarda Qazax rayon sakini S.Şıxıyevanın çantasından mobil telefonunun oğurlayıblar.
Faktlarla bağlı CM-nin 177-ci (oğurluq) maddəsi ilə cinayət işi başlanılıb.
Şahidi olduğunuz hadisələri çəkib bizə göndərin!
Son Əlavə