“Məni aldadacaqdızsa, niyə imkan vermədiniz özümü yandırım” – İki uşaq anası məmurlara səsləndi – VİDEO

“Niyə məni xilas edirdiniz, niyə qoymadınız Prezident Administrasiyasının qarşısında yanım. Əgər sonunda belə ədalətsiz qərar çıxarılacaqdısa, bu həngamə nəyə lazım idi?”

Məhəmədə ədalətsizlikə üləşdiyini iddia edən Rena Verdiyeva prezidentdən, birinci vitse-prezidentdən imdad diləyir. Prezident Administrasiyasının qarşısında özünü yandıraraq intihara cəhd edən xanım bildirir ki, hadisədən sonra aidiyyəti dövlət qurumlarında onu qəbul edərək işinə ədalətlə baxılacağına dair söz veriblər. Lakin Apelyasiya Məhkəməsində verilən qərar onların bütün ümidlərini alt-üst edir.

2012-ci ildə Kifayət Dostumalıyevaya iş qurmaq üçün 150 min manat pul verdiyini deyən xanım 2 uşağı ilə evsiz qaldığını bildirir. Onun sözlərinə görə, qarşı tərəf onu aldadaraq pulunu mənimsəyib və yüksək səviyyədə himayə olunduğuna görə həmin məbləği geri qaytara bilmir.

Davamlı şikayətləri nəticəsində

K.Dostumalıyevaya cinayət işi açılıb, həbs edilsə də sonradan məhkəmənin qərarı ilə bəraət verilib. Xanım Verdiyeva bundan sonra yeganə çıxış yolu kimi Prezident Administrasiyasının qarşısında intihar yolunu seçib. Lakin onun bu cəhdinin qarşısı alınıb, dinlənilib və iş Apelyasiya Məhkəməsində davam etdirilib.
Məhkəmənin gedişində hətta əlavə şahidlərin dindirildiyini deyən R.Verdiyeva istintaqın ədalətli aparıldığını, hətta hakimin qarşı tərəfə ya pulu qaytarmalısan, ya da həbs ediləcəksən xəbərdalığı etdiyini söylədi.

Lakin son qərar Verdiyeva üçün gözlənilməz, sarsıdıcı olur. Apelyasiya Məhkəməsi bəraət qərarını qüvvədə saxlayır. Əli hər yerdən üzülən Rena xanım yenə intihar barədə düşünür. Lakin bundan öncə son dəfə olaraq ölkə rəhbərliyinə müraciət edir:
скачать dle 11.3

Şahidi olduğunuz hadisələri çəkib bizə göndərin!