Ermənistanla həmsərhəd Tovuz rayonunun Ağdam kəndinin sakinləri yeni yolda məlumatverici-göstərici nişanların qoyulmamasından narahatdırlar.
Bizimyol.info-ya müraciət edən Tovuz rayon Ağdam sakin Nəsimi Bağırov bildirib ki, Tovuz rayonunun bir neçə kəndinə asfalt yol çəkilsə də, yolda məlumatverici-göstərici nişanların qoyulmamasını təəssüflə qeyd etdi: “Yuxarı Öysüzlü, Vahidli və Ağdam kəndlərinin yolsuzluq problemi həll olunub. Kəndlərin yoluna asfalt örtük çəkilib. Amma yolun üzərində məlumatverici-göstərici nişanlar qoyulmayıb. Vahidli və Ağdam kəndlərinə getmək üçün Yuxarı Öysüzlü kəndinə gedən yoldan keçmək lazımdır. Yuxarı Öysüzlü kəndi ilə bağlı yolda məlumatverici-göstərici nişan olsa da, təəssüf olsun ki, Vahidli və Ermənistanla həmsərhdə olan Ağdam kəndi ilə bağlı belə bir nişan qoyulmayb. Vahidli və Ağdam kəndlərinə gələnlər məcbur qalıb addımbaşı maşını saxlayıb yerli sakinlərdən istiqaməti soruşub, maraqlanırlar”.
Ağdam sakini N.Bağırov yeni yolda məlumatverici-göstərici nişanların qoyulmasının vacibliyini bildirib.
Şahidi olduğunuz hadisələri çəkib bizə göndərin!
Son Əlavə