Rusiyanın Dövlət Dumasının dövlət quruculuğu və qanunvericilik komitəsi əcnəbilərin ölkədən çıxarılması ilə bağlı yeni qanun layihəsini birinci oxunuşda qəbul etməyi tövsiyə edib. Komitənin rəyinə əsasən, qanun layihəsi əcnəbilərin deportasiyası və inzibati qaydada ölkədən çıxarılması prosesini sadələşdirməyi və bu səlahiyyəti daxili işlər orqanlarına verməyi nəzərdə tutur.
Hazırda polis əməkdaşları inzibati xətalar haqqında protokollar tərtib edir və məhkəmə tərəfindən inzibati qaydada ölkədən çıxarılma qərarı verilir. Daxili işlər orqanları isə əcnəbilərin deportasiyasını həyata keçirir.
Yeni qanun layihəsinə əsasən, əcnəbilərin ölkədən çıxarılması ilə bağlı qərar qəbul etmək səlahiyyəti birbaşa daxili işlər orqanlarına veriləcək.
Ekspertlər hesab edirlər ki, yeni qanun layihəsi əcnəbilərin hüquqlarının pozulmasına və onların kütləvi şəkildə ölkədən çıxarılmasına səbəb ola bilər. İnsan hüquqları təşkilatları da bu məsələ ilə bağlı narahatlıqlarını ifadə ediblər.
Mənbə: RBC
Şahidi olduğunuz hadisələri çəkib bizə göndərin!
Son Əlavə