Bakıda 14 fevral “küləyi”: Güllərin qiymətində fantastik bahalaşma - QİYMƏTLƏR
Hər il fevral ayının 14-ü Azərbaycanda və bütün dünyada sevgililər günü kimi qeyd olunur. Bu gözəl gündə sevgililər və evli cütlüklər bir-birinə müxtəlif hədiyyələr alaraq, öz sevgilərini nümayiş etdirirlər. Adətən hər il sevgililər günü ilə əlaqədar gül satışı mağazalarında hərəkətlilik müşahidə olunur. Bununla bağlı olaraq müxtəlif gül buketlərinin qiymətlərində artımlar nəzərə çarpır.
Yenisabah.az hazırda hədiyyəlik gül buketlərinin qiymətləri ilə bağlı vəziyyəti öyrənmək üçün bir neçə mağaza ilə əlaqə saxlayıb.
Gül mağazalarından birinin sahibi Yusif Fərəcov hazırda gül buketlərinin qiymətlərində 10-15 manat bahalaşmanın olduğunu deyib.
“Buketlərimizin qiyməti 40-45 manatdan başlayır və 150 manata qədər davam edir. Qiymət buketin həcmindən, güllərin sayından və rənglərdən asılı olaraq dəyişir. Ümumi götürsək, hər buketdə 10-15 manat bahalaşma var. Sifarişlərimiz o qədər çoxdur ki, ancaq öncədən sifariş etmək lazımdır”.
Digər bir gül mağazasında da eyni vəziyyət müşahidə olunur. Mağazanın satıcısının dediyinə görə, güllərin qiymətində 10-20 manata qədər bahalaşma var:
“Hazırda ən ucuz buketimiz 50 manatdır. Sevgililər gününə görə hər buketdə 10-20 manat arası bahalaşma var. Bu isə gülləri aldığımız yerlərin qiymətləri bahalaşdırması ilə bağlıdır. İstər-istəməz qiymətlərə təsir edir. Ən bahalı buketlərimiz 150-200 manatdır. 14 fevralla bağlı sifarişlərimiz isə olduqca çoxdur”.
Gül satışı ilə məşğul olan məşhur mağazalar şəbəkələrindən birində isə 101 qızılgülün qiyməti 500 manat, 201 qızılgül isə 700 manata təklif olunur. Əlavə olaraq qarışıq buketlərin ən ucuzu 45 manat, ən bahası 400 manatdır.
Yenisabah.az hazırda hədiyyəlik gül buketlərinin qiymətləri ilə bağlı vəziyyəti öyrənmək üçün bir neçə mağaza ilə əlaqə saxlayıb.
Gül mağazalarından birinin sahibi Yusif Fərəcov hazırda gül buketlərinin qiymətlərində 10-15 manat bahalaşmanın olduğunu deyib.
“Buketlərimizin qiyməti 40-45 manatdan başlayır və 150 manata qədər davam edir. Qiymət buketin həcmindən, güllərin sayından və rənglərdən asılı olaraq dəyişir. Ümumi götürsək, hər buketdə 10-15 manat bahalaşma var. Sifarişlərimiz o qədər çoxdur ki, ancaq öncədən sifariş etmək lazımdır”.
Digər bir gül mağazasında da eyni vəziyyət müşahidə olunur. Mağazanın satıcısının dediyinə görə, güllərin qiymətində 10-20 manata qədər bahalaşma var:
“Hazırda ən ucuz buketimiz 50 manatdır. Sevgililər gününə görə hər buketdə 10-20 manat arası bahalaşma var. Bu isə gülləri aldığımız yerlərin qiymətləri bahalaşdırması ilə bağlıdır. İstər-istəməz qiymətlərə təsir edir. Ən bahalı buketlərimiz 150-200 manatdır. 14 fevralla bağlı sifarişlərimiz isə olduqca çoxdur”.
Gül satışı ilə məşğul olan məşhur mağazalar şəbəkələrindən birində isə 101 qızılgülün qiyməti 500 manat, 201 qızılgül isə 700 manata təklif olunur. Əlavə olaraq qarışıq buketlərin ən ucuzu 45 manat, ən bahası 400 manatdır.
