Bakıda yerləşən mağazaların qarşısına qoyulması üçün sahibkarlara məcburi şəkildə dibçək gülləri satılır.
Median.Az xəbər verir ki, bu barədə sosial şəbəkədə məlumat yayılıb.
Bildirilir ki, Xətai rayonunda bir qrup şəxs mağazalara yaxınlaşaraq, özlərini Bakı Şəhər İcra Hakimiyyətinin (BŞİH) işçisi kimi təqdim edir. Onlar yeni qaydalara görə mağazaların qarşısında dibçək güllərinin qoyulmalı olduqlarını deyirlər. Bir dibçəkdə 3 gül var və o, 8 manata satılır.
Bakı Şəhər İcra Hakimiyyətindən oxu.az-ın sorğusuna cavab olaraq bildirilib ki, qurumdan belə bir tapşırıq verilməyib:
"Sosial şəbəkələrdə səsləndirilən iddialar əsassızdır. Heç kimə belə bir ixtiyar verilməyib. BŞİH adından istifadə edib belə bir addım atanlar barədə araşdırma aparılacaq. Məsələ barədə ciddi ölçü götürələcək".
Şahidi olduğunuz hadisələri çəkib bizə göndərin!
Son Əlavə