Androidlər üçün olan bu əlavədə təhlükəli virus aşkarlanıb

Kibertəhlükəsizlik sahəsinin ekspertləri "Google Play" mağazasında təqdim olunan "CamScanner" əlavəsinin içində təhlükəli virus aşkar ediblər.

Bu barədə "Kasperski Laboratoriyası"nın saytında məlumat yayılıb.

Proqram PDF-faylların yaradılması və skanerdən çıxarılmış sənəddə mətnin oxunması üçün lazımdır. Məlumata əsasən, əlavə və onun növləri 100 milyon dəfədən çox yüklənilib.

Tədqiqatçılar istifadəçilərin şikayətlərindən sonra proqrama diqqət yetiriblər. Əlavənin son versiyalarından birində onlar "dropper virusu" aşkar ediblər. Virus yükləyici modulu işə salır və onun vasitəsilə cinayətkarlar istədiklərini qacetə yükləyə bilir.

Güman edilir ki, bu, reklam nümayişi və xüsusi abunəçilik, yaxud hesabların satışı vasitəsilə proqramı gəlir mənbəyinə çevirmək cəhdləri ilə bağlıdır.

Ekspertlərin xəbərdarlığından sonra "Google" şirkəti bu proqramı "market"dən silib.скачать dle 11.3

Şahidi olduğunuz hadisələri çəkib bizə göndərin!