Bu gün saat 10:00-dan etibarən işlər başa çatanadək Xəzər rayonu, Türkan Üzümçülük sovxozunda yerləşən qeyri-yaşayış sahəsinə çəkilmiş orta təzyiqli qaz xəttinin sənaye kollektoruna birləşdirilməsi işləri görüləcək.
Bununla bağlı “Azəriqaz” İstehsalat Birliyindən məlumat verilib.
Bildirilib ki, bu müddətdə “Sevil” MMC, “Rəvan-Turan” MMC, “AGRO” MMC, “Bərəkət” MMC və daha bir neçə obyektin qaz təchizatı dayandırılacaq.
Bundan başqa, qaz xətlərində sazlama işlərinin aparılması və zədələnmiş qaz xətlərinin təmir olunması ilə əlaqədar bu gün saat 09:00-dan etibarən Zaqatala rayonunun bir neçə yaşayış məntəqəsinin, eyni zamanda, saat 10:00-dan etibarən Goranboy rayonunun bir neçə yaşayış məntəqəsinin və Sabunçu rayonu Pirşağı qəsəbəsinin bir hissəsində təbii qazın təchizatı dayandırılıb.
* * * *
Qaz İxrac İdarəsinin balansında olan “Azadkənd-İmişli” magistral qaz kəmərində korroziyaya uğramış hissələrin dəyişdirilməsi və aşkar olunmuş qaz sızmalarının ləğvi işləri icra olunacaq.
Bununla bağlı “Azəriqaz” İstehsalat Birliyi məlumat yayıb.
Bununla əlaqədar olaraq bu gün saat 06:00-dan 21:00-dək bir sənaye müəssisəsində, saat 08:00-dan 20:00-dək Saatlı, İmişli rayonlarının bir neçə yaşayış məntəqəsində qaz təchizatı dayandırılıb.
Saat 09:00-dan avqustun 8-i işlər başa çatanadək “Dondarquşçu” Qaz Paylayıcı Stansiyasında yenidənqurma işləri ilə bağlı olaraq Tovuz şəhəri və bir neçə kənddə qaz təchizatında məhdudiyyətlər qoyulacaq.
Qeyd edilib ki, bu gecə saat 02:00-da Zərdab rayonunun Birinci Alıcanlı kəndini təbii qazla təmin edən orta təzyiqli qaz xəttini avtomobillə vuraraq zədələyiblər. Qaz sızması yarandığından kəndin 30 abonentinin qaz təchizatında fasilə yaranıb.
Şahidi olduğunuz hadisələri çəkib bizə göndərin!
Son Əlavə