Beyləqan rayonunda intihar hadisəsi baş verib.
Hadisə rayonun Birinci Şahsevən kəndində qeydə alınıb.
Kənd sakinləri Gündüz Baxşəliyev və 25 yaşlı Nuranə Həsənova intihar ediblər.
G.Baxşəliyev bağban, N.Həsənova isə kəndin uşaq bağçasında aşpaz işləyib.
“Report”un əldə etdiyi məlumata görə, N.Həsənova əri tərəfindən bağçanın gözətçisi, Füzuli rayonu Əhmədbəyli kənd sakini G.Baxşəliyevlə birlikdə yataqda tutulub. Hadisədən sonra qadın rayonun İkinci Şahsevən kəndində yerləşən ata evinə qaçıb və orada özünü asaraq intihar edib. Onunla birlikdə yataqda tutulan G.Baxşəliyev isə Əhmədbəyli kəndinə qaçıb və o da özünü asaraq intihar edib.
Hadisədən sonra qadının əri R.Həsənov arvadının daha bir şəxslə - həmkəndlisi E.Elyarovla intim münasibətinin olduğunu öyrənib. Bu səbəbdən sözügedən şəxslər arasında mübahisə olub. Mübahisə zəminində R.Həsənov arvadı ilə intim münasibətdə olduğunu etiraf edən E.Elyarovu bıçaqlayaraq qulaqlarını kəsib.
E.Elyarov xəstəxanaya çatdırılıb.
R.Həsənov isə Beyləqan Rayon Polis Şöbəsinin əməkdaşları tətəfindən saxlanılıb və istintaqa cəlb edilib.
Faktla bağlı bir neçə maddə üzrə cinayət işi başlanılıb, araşdırmalar davam etdirilir.
Beyləqan rayon İcra Hakimiyyətindən isə Oxu.Az-a bildiriblər ki, hadisə iyulun 22-də baş verib:
“Əvvəlcə rayonun Şahsevən kənd sakini 25 yaşlı Nuranə Həsənova intihar edib. Hadisədən üç gün sonra isə N.Həsənovun iş yoldaşı və qonşusu Gündüz Baxşəliyev Füzuli rayonu Əhmədbəyli kəndinə gedərək intihar edib.
Bu hadisədən bir gün sonra N.Həsənovun həyat yoldaşı Rahib Həsənov rayon sakini Emin Ataxanovu bazar adlanan ərazinin yaxınlığında bıçaqlayıb. Bir neçə bıçaq xəsarəti alan yaralı xəstəxanaya yerləşdirilib. Rahib Həsənov saxlanılıb”.
/oxu.az/
Şahidi olduğunuz hadisələri çəkib bizə göndərin!
Son Əlavə