Bakıda keçirilən XV Avropa Olimpiya Gənclər Festivalında ötən gün daha bir neçə idmançı xəsarət alıb.
Səhiyyə Naziliyindən oxu.az-a verilən məlumata görə, təcili tibbi yardım briqadalarına ümumilikdə dörd müraciət daxil olub.
Müraciət edənlərdən biri, 16 yaşlı danimarkalı idmançı sağ budun travması diaqnozu ilə Heydər Əliyev adına İdman Sarayından Kliniki Ttibbi Mərkəzə çatdırılıb. İdmançıya lazımi yardım göstərildikdən sonra buraxılıb.
Digər üç nəfər isə yarışlar keçirilən ərazidə xidmət aparan polis əməkdaşları olub. Onlardan ikisi baş ağrısından, biri isə arterial təzyiqin artması şikayəti ilə müraciət edib. Müraciət edən polis əməkdaşlarına həkimlər yerində yardım göstəriblər.
Eyni gündə “Jara” festivalı keçirilən ərazidə növbə çəkən təcili tibbi yardım briqadasına isə 26 yaşlı Azərbaycan vətəndaşı müraciət edib. Həkimlər tərəfindən müayinə zamanı ona sol diz qapağının səthi travması diaqnozu qoyulub.
EYOF və “Jara” festivalı keçirilən ərazilərdə təcili tibbi yardım briqadaları növbə çəkir.
Şahidi olduğunuz hadisələri çəkib bizə göndərin!
Son Əlavə