Bakı Ağır Cinayətlər Məhkəməsində Bakı şəhər sakinləri Əlisəid Həsənov, Fərid Hacıyev, Orxan Məmmədli və Fərid Hüseynzadənin CM-nin 177-ci (oğurluq), 180-ci (soyğunçuluq) və 181-ci (quldurluq) maddəlləri ilə təqsirləndirilmələrinə dair cinayət işi üzrə məhkəmə prosesi başa çatıb.

Median.Az xəbər verir ki, ötən il aprelin 27-də Xətai RPİ-nə müraciət edən, paytaxt sakini Qafqaz Qəhrəmanov General Mehmandarov küçəsində işlədiyi marketə, əllərində tapançaya bənzər əşya və bıçaq olan naməlum şəxslərin basqın etdiyini və hədə-qorxu gələrək kassadan 230 manat pulu götürüb hadisə yerindən qaçdıqlarını bildirib.

Bakı şəhər Baş Polis İdarəsinin Cinayət Axtarışı İdarəsi və Xətai RPİ əməkdaşlarının keçirdikləri əməliyyat-axtarış tədbirləri nəticəsində quldurluq edən Fərid Hacıyev, əvvəllər məhkum olunmuş Fərid Hüseynzadə və Orxan Məmmədli müəyyən edilərək saxlanılıblar.

Araşdırma zamanı məlum olub ki, hadisə zamanı dəstə üzvləri zərərçəkəni əllərində olan oyuncaq tapança ilə qorxudublar.

İstintaqın gedişatında dəstə üzvlərinin Xətai rayonunda daha bir mağazadan soyğunçuluq yolu ilə tütün məmulatları, həmçinin NZS və Bakıxanov qəsəbələrində yerləşən iki marketdən oğurluq etmələri məlum olub. Keçirlmiş əməliyyat-axtarış tədbirləri nəticəsində Əlisəid Həsənov saxlanılıb.

İş üzrə 5 nəfər zərərçəkmiş qismində tanınıb.

Məhkəmənin hökmü ilə F.Hacıyev, O.Məmmədli və F.Hüseynzadə hər biri 9 il müddətinə azadlıqdan məhrumetmə cəzasına məhkum olunublar, Ə. Həsənova şərti cəzaya
məhkum olunub.скачать dle 11.3