Bakı Ağır Cinayətlər Məhkəməsində Ağdam rayon sakini Elnur Əliyevin (1979-cu il təv.) CM-nin 29,120.1-ci (qəsdən adam öldürməyə cəhd) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.

Median.Az xəbər verir ki, silahlı insident ötən il noyabrın 10-da Nəsimi rayonu ərazisində baş verib. Mərdanov qardaşları küçəsi, 119 yerləşən və məcburi köçkünlərin məskunlaşdığı "Bakı Tikiş Evi"nin yataqxanasında, Abşero rayonunda yaşayan Elnur Əliyev Namiq Nəcəfova, öldürmək məqsədilə lüləsi və qundağı kəsilmiş ov tüfəngindən atəş açıb. Ağır yaralanan Nəcəfov Kliniki Tibbi Mərkəzə çatdırılıb və həyatı xilas edilib.

Əliyev cinayəti törədib, hadisə yerindən qaçsa da, post-patrul xidmətinin (PPX) əməkdaşları tərəfindən saxlanılıb. İlkin dindirilmə zamanı o bildirib ki, Nəcəfov sözügedən yataqxananın yanındakı çayxananı işlədir, amma onu aralarındakı ədavətə görə ora buraxmır. Əliyev bir dəfə Nəcəfov və onun dostları tərəfindən təcavüzə məruz qalıb. Baş vermiş növbəti ixtilafdan sonra Elnur evə qaçaraq silahı götürüb və çayxanaya qayıdaraq, Namiqə atəş açıb.

Məhkəmənin hökmü ilə təqsirləndirilən şəxs 9 il 6 ay müddətinə azadlıqdan məhrum olunub.скачать dle 11.3