Yoxlama aparılacaq sahələrin siyahısı genişləndirildi
Yanğın nəzarəti, tikintiyə dövlət nəzarəti sahəsində yoxlamaların aparılmasına icazə verilib
Milli Məclisin plenar iclasında “Sahibkarlıq sahəsində aparılan yoxlamaların dayandırılması haqqında” qanuna dəyişikliyə baxılıb.
Sputnik Azərbaycan xəbər verir ki, qanunun 2.1-ci maddəsinə təklif edilən dəyişikliklə qanunun tətbiq dairəsi genişləndirilir.
Belə ki, təklif edilən dəyişiklik yanğın nəzarəti, tikintiyə dövlət nəzarəti, təhlükə potensiallı obyektlərin və dağ-mədən sahələrinin təhlükəsiz istismarına nəzarət və radiasiya təhlükəsizliyinə nəzarət sahəsində yoxlamaların aparılmasına tətbiq edilən məhdudiyyətin aradan qaldırılmasını nəzərdə tutur.
Mövcud qanuna görə, ölkədə sahibkarlıq sahəsində aparılan yoxlamalar 2021-ci il yanvarın 1-dək dayandırılıb. Lakin insanların həyat və sağlamlığının qorunması, dövlətin təhlükəsizliyinin və iqtisadi maraqlarının müdafiəsi məqsədilə qanunun 2.1-ci maddəsində göstərilən hallarda yoxlamaların həyata keçirilməsinə yol verilir.
Təklif edilən dəyişikliyə əsasən yanğın nəzarəti, tikintiyə dövlət nəzarəti, təhlükə potensiallı obyektlərin və dağ-mədən sahələrinin təhlükəsiz istismarına nəzarət və radiasiya təhlükəsizliyinə nəzarət sahəsində yoxlamalar da bu siyahıya əlavə edilir.
Qanun layihəsi müzakirələrdən sonra səsə qoyularaq qəbul edilib.
Milli Məclisin plenar iclasında “Sahibkarlıq sahəsində aparılan yoxlamaların dayandırılması haqqında” qanuna dəyişikliyə baxılıb.
Sputnik Azərbaycan xəbər verir ki, qanunun 2.1-ci maddəsinə təklif edilən dəyişikliklə qanunun tətbiq dairəsi genişləndirilir.
Belə ki, təklif edilən dəyişiklik yanğın nəzarəti, tikintiyə dövlət nəzarəti, təhlükə potensiallı obyektlərin və dağ-mədən sahələrinin təhlükəsiz istismarına nəzarət və radiasiya təhlükəsizliyinə nəzarət sahəsində yoxlamaların aparılmasına tətbiq edilən məhdudiyyətin aradan qaldırılmasını nəzərdə tutur.
Mövcud qanuna görə, ölkədə sahibkarlıq sahəsində aparılan yoxlamalar 2021-ci il yanvarın 1-dək dayandırılıb. Lakin insanların həyat və sağlamlığının qorunması, dövlətin təhlükəsizliyinin və iqtisadi maraqlarının müdafiəsi məqsədilə qanunun 2.1-ci maddəsində göstərilən hallarda yoxlamaların həyata keçirilməsinə yol verilir.
Təklif edilən dəyişikliyə əsasən yanğın nəzarəti, tikintiyə dövlət nəzarəti, təhlükə potensiallı obyektlərin və dağ-mədən sahələrinin təhlükəsiz istismarına nəzarət və radiasiya təhlükəsizliyinə nəzarət sahəsində yoxlamalar da bu siyahıya əlavə edilir.
Qanun layihəsi müzakirələrdən sonra səsə qoyularaq qəbul edilib.
