Median.Az xəbər verir ki, Kəpəz RPİ-nin əməkdaşları tərəfindən mayın 5-də şəhər ərazisindəki avtomobillərin yuyulması məntəqəsindən su nasosu oğurlayan Gəncə şəhər sakini Ş.İbrahimov saxlanılıb.

Araşdırma zamanı, onun fevralın 22-dən mayın 2-dək olan müddətdə “İsuzu” və “VAZ-2106” markalı avtomobillərdən akkumulyator, 1 yardımçı təsərrüfatdan məişət əşyaları,
1 həyətyanı sahədən isə velosiped oğurlaması məlum olub.

Bundan başqa, Kəpəz RPİ əməkdaşlarının keçirdikləri əməliyyat-axtarış tədbirləri nəticəsində martın 8-dən mayın 6-dək olan müddətdə 1 evdən, 3 avtomobildən akkumulyator və məişət əşyası oğurlayan, habelə şəhər sakini Y.Həsənova qarşı dələduzluq edən Gəncə şəhər sakini T.İsmayılov saxlanılıb.

Kəpəz RPİ-nin əməkdaşları tərəfindən martın 13-də şəhər ərazisində “Ford” markalı avtomobildən mobil telefon oğurlayan Gəncə şəhər sakini R.Tağıyev saxlanılıb.

Kəpəz RPİ əməkdaşlarının keçirdikləri əməliyyat-axtarış tədbirləri nəticəsində mayın 14-də şəhər ərazisindəki evdən 1000 manat və 2270 manat dəyərində qızıl-zinət əşyaları oğurlayan qonşusu Ş.Quliyeva saxlanılıb.

Nizami RPİ-nin əməkdaşları tərəfindən aprelin 30-da şəhər ərazisindəki mağazadan pul və kompyuter oğurlayan Gəncə şəhər sakini olan yeniyetmə saxlanılıb.

Faktlarla bağlı CM-nin 177-ci (oğurluq) maddəsi ilə cinayət işləri başlanılıb, istintaq gedir.скачать dle 11.3