Şirvanda avtomobil 55 yaşlı kişini vurub

Şirvanda 1 nəfərin xəsarət alması ilə nəticələnən yol-nəqliyyat hadisəsi baş verib.

Median.Az report-a istinadən xəbər verir ki, axşam saatlarında Şirvan şəhər sakini, 1964-cü il təvəllüdlü Axundov Nazim Səttar oğlu yolu keçmək istəyən zaman “Jiquli” markalı avtomobil onu vurub. Nəticədə o, müxtəlif dərəcəli bədən xəsarətləri alıb. Yaralı Şirvan şəhər Mərkəzi Xəstəxanasına yerləşdirilib.

Faktla bağlı araşdırma aparılır.