Median.Az xəbər verir ki, Yasamal RPİ 26-cı polis bölməsi əməkdaşlarının keçirdikləri əməliyyat-axtarış tədbirləri nəticəsində ötən il noyabrın 12-dən bu il yanvarın 27-dək olan müddətdə rayon ərazisində 4 avtomobildən maqnitofon və akkumulyator oğurlayan Bakı şəhər sakini X.Məmmədov saxlanılıb.

Bundan başqa, Nəsimi RPİ 22-ci polis şöbəsinin əməkdaşları tərəfindən ötən il dekabrın 15-də rayon ərazisində şəhər sakini Z.Məmmədzadəyə məxsus “Daewoo” markalı avtomobildən mobil telefon oğurlayan Ağdam rayon sakini Q.Quliyev saxlanılmışdır.

Binəqədi RPİ 5-ci polis bölməsi əməkdaşlarının keçirdikləri əməliyyat-axtarış tədbirləri nəticəsində yanvarın 26-da rayon ərazisində 5 avtomobildən oğurluq edən Bakı şəhər sakini E.İsayev saxlanılıb. Araşdırma zamanı onun, Binəqədi RPİ 4-cü polis şöbəsinin ərazisində daha 2 avtomobildən pul və mobil telefon oğurlaması məıum olub.

Faktla bağlı CM-nin 177-ci (oğurluq) maddəsi ilə istintaq aparılır.скачать dle 11.3