Hesabından pul oğurlanan üç yaşlı Aylinin anası danışdı - VİDEO

Rahilə Dadaşovanın üç yaşlı qızı Aylin Dadaşova leykoz xəstəliyindən əziyyət çəkir. Atası olmadığı üçün azyaşlının müalicəsinə dəstək məqsədilə hesab açılıb və beş min manat məbləğində pul yığılıb.

Bir neçə gün öncə Moskvadan olan azərbaycanlı şəxs azyaşlıya kömək edəcəyini, lazım olan bütün vəsaiti ödəyəcəyini deyib.

Naməlum şəxs uşağın dayısı Rahil Cəfərova mesaj yazaraq hesab nömrəsi istəyib və 50 min manat köçürəcəyini deyib.

Uşağın dayısı həmin şəxsə kartın nömrəsini, Aylinin xəstəlik kağızlarını, anasının şəxsiyyət vəsiqəsini və başqa sənədlərin fotosunu göndərib.

Bütün hadisələr isə elə bundan sonra başlayıb. Hesabda olan digər pullar da kartdan yoxa çıxıb.

İndi ailənin tək istəyi neçə vaxtdır əziyyətlə yığılan pulların geri qaytarılması və övladının müalicəsi üçün yardım göstərilməsidir.
//oxu.az