Median.Az xəbər verir ki, Binəqədi RPİ-nin 40-cı polis bölməsinə müraciət edən Bakı şəhər sakini T.Rüstəmov, dekabrın 19-na keçən gecə Sulutəpə qəsəbəsi ərazisindən “VAZ-2106” markalı avtomobilinin qaçırıldığını bildirib.
Keçirilmiş əməliyyat-axtarış tədbirləri nəticəsində nəqliyyat vasitəsi həmin gün Binəqədi DYPŞ-nin əməkdaşları tərəfindən saxlanılıb.
Araşdırma zamanı saxlanılan şəxsin qəsəbə sakini Kazım Quliyev olması və onun bir tanışı ilə ayın 18-də Lökbatan qəsəbəsində Şamaxı rayon sakini Z.Zərbalıyevin
“VAZ-2103” markalı avtomobilini qaçırması müəyyən edilib. Polis əməkdaşları tərəfindən həmin avtomobil Xocəsən qəsəbəsi ərazisində tapılaraq sahibinə qaytarılıb.
Binəqədi RPİ-nin əməkdaşları tərəfindən şübhəli bilinən digər şəxsin saxlanılması istiqamətində əməliyyat-axtarış tədbirləri davam etdirilir.
Şahidi olduğunuz hadisələri çəkib bizə göndərin!
Son Əlavə