Ölkəyə qanunsuz yolla çox sayda mobil telefon keçirmək istədilər - VİDEO
Dövlət Gömrük Komitəsinin Şimal Ərazi Baş Gömrük İdarəsinin Əməliyyat və Təhqiqat şöbəsinə daxil olan əməliyyat məlumatı əsasında Rusiya Federasiyası istiqamətindən “Xanoba” gömrük postunun idxal gömrük nəzarəti xəttinə daxil olan Azərbaycan vətəndaşının idarə etdiyi “Mercedes Benz Vito 109 CDI” markalı nəqliyyat vasitəsi saxlanılıb və gömrük baxışı keçirilib.
Komitədən verilən məlumata görə, yoxlama zamanı, nəqliyyat vasitəsinin gizli saxlanc yerlərindən gömrük orqanına bəyan olunmayan 20 ədəd 0,5 litrlik “Talka”, bir ədəd 0,7 litrlik “Хоrtitsa”, iki ədəd 0,7 litrlik “Beluga Translatlantic” markalı araqlar, bir ədəd 0,7 litrlik “Chivas Regal” və bir ədəd 0,75 litrlik “Glenfiddich” markalı viskilər, həmçinin vətəndaşıngöy rəngli idman çantasından isə bir ədəd “iPhone X Space Gray”, iki ədəd “Alcatel 1066d”, bir ədəd “Jinga F200N”, bir ədəd “Micromax X2401” və bir ədəd “Vertex” markalı mobil telefonlar aşkar edilib.
Faktla bağlı araşdırma aparılır.
