Median.Az xəbər verir ki, Sumqayıt ŞPİ 3-cü polis bölməsi əməkdaşlarının keçirdikləri istintaq-axtarış tədbirləri nəticəsində şəhər ərazisində 4 mağazadan və 1 ofisdən pul, spirtli içki, tütün məmulatı, danışıq kartları, noutbuk və mobil telefon oğurlayan Yardımlı rayon sakini, əvvəllər məhkum olunmuş Rəhman Dadaşzadə saxlanılıb.
Bundan başqa, Sumqayıt ŞPİ 4-cü polis bölməsinin əməkdaşları tərəfindən noyabrın 6-da mağazada, şəhər sakini İ.Hüseynovanın pulunu oğurlayan şəhər sakini, əvvəllər məhkum olunmuş Z.Adilova saxlanılıb.
Sumqayıt ŞPİ 4-cü polis bölməsi əməkdaşlarının əməliyyat-axtarış tədbirləri nəticəsində noyabrın 19-da tir atıcılıq köşkündən 3 ədəd tir tüfəngi oğurlayan şəhər sakini, əvvəllər məhkum olunmuş Murad Camalov saxlanılıb.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb, istintaq aparılır.
Şahidi olduğunuz hadisələri çəkib bizə göndərin!
Son Əlavə